أنت لاطقت براسك (حب) جيت تحبني

[مجيدي9]

أنت لا طقّت براسك ( حُب ) جيت تحبّـني ..
وغبت لامن طقّـت براسك ( غياب ) و ما ألتقيك

ياخي .. إمّأ تحتفظ بي صحّ .. ولاّ ذبّـني ..
ما أنت مجبور علي .. وماني مجبور عليك

شاطر إنّك بس من وقت لوقت .. تشبّـني
وتنبسط لا صرت أقول : الله يرحم والديك

حس فيني .. لبّ إحساسي و نداي .. ولبـّني
شوف أنا وشلون صرت أموت و تعلّقت فيك

كن قلبي حالف : ما غيرك أنت .. يطبّـني
فلا تعلّقني كذا .. مابين أحبّك .. و أحتريك

خلّني بينك و بين الصّدر أعيش .. و خبـّني
ولا تطلّعني .. لأنّي لو طلعت .. أصلاً بجيك

لا تجاملني بوجه .. و من وراي .. تسبـّني
ولا تسوّي لي ( متيّم ) .. و أنت تخفي ما لديك

ما انت ناقص تربية .. حتّى تقلّي : ربّـني
و أنت مثّبت لي من أوّل .. تربية أمّك و أبيك

لو أنا ماني كفو .. اتركني عنّك .. و كبـّني
و اعتبرني مرحله .. و اغسل من الرّجعه .. ايديك

[مطر البحيري]

[abuzeed]

اختيارك رائع يا مجيدي

[صمتي مهابه]

لو أنا ماني كفو .. اتركني عنّك .. و كبـّني
و اعتبرني مرحله .. و اغسل من الرّجعه .. ايديك
حركات مجيدي
جُل إحتراماتي

[مجيدي9]

مطر البحيري أسعدني مرورك

[مجيدي9]

أبوزيد مرورك الأروع

[مجيدي9]

صمتي مهابه مرورك أسعدني لك مني أرق التحايا وكلك حركااااااااااات لك مني أعذب التحايا وأجملها..

[دايم الشوق]

الاستا ذ مجيدي تحيه مسايه طيبه على موضوعك المميز