احسد عليك اهل الرياض

[أوراق مبعثرة]

محتاج لك بأدفّي يديني من ملامس يديك
هالثانيه بالضبط ما أظن الشعور يفوتها

عندي قصيده ودّها من خالص إحساسي تجيك
حتى معانيها تبي تاصلك .. قبل بيوتها

قصيدةٍ يرجع سبب تركيبها منّك وإليك
وانت تعرفها من ملامحها وبحّة صوتها

ياللي بديتك شوق كيف أشواق قلبي تنتهيك
وأحلام عمري لا فقدتك ترجع لتابوتها

إي والله أحبّك ولا زلت أعشق وصالك وأبيك
وفي خاطري لك هيبة ملوك العرب ببشوتها

لا جيت أبشكي لك رجعت وقلت وشلون أشتكيك !
وأسكت لو إن جروح قلبي ما تطيق سكوتها

كم لي وأنا أنادي عليك آمال عمري وأحتريك
وكم لك تجيب أعذار من زرق البحور وحوتها

مع كل هذا .. والله إني مشتريك وبأشتريك
وأحسد عليك أهل الرياض وجوّها وبيوتها

لا تكثر ظنوني عليّ .. وتكثر ظنونك عليك
نفسي فراقك ضيم حالتها .. وقربك قوتها

أموت لك \أموت منك \أموت معك \أموت فيك
ضع خط .. تحت الموته اللي تعجبك وأموتها

مما نال اعجابي ،،،،

[عبرة الم]

جيت أبشكي لك رجعت وقلت وشلون أشتكيك !
وأسكت لو إن جروح قلبي ما تطيق سكوتها


رااااائع مانظمته هنامن حروف لؤلؤيه
دمت وداماابداعك وتميزك المتواصل برقي احساسك

[أوراق مبعثرة]

شكرا لك عبرة الم على اطلالتك المتميزة والرائعه
بروعة حظورك وتواجدك المتواصل

يعطيك العافيه

[الرهيب]

اخوي اوراق
كلمات اكثر من رااااااااائعه
رآآقت لي
يعطيك الف عافيه
واشكرك على تميزك وتألقك..

[أوراق مبعثرة]

اخوي الرهيب
اشكرك عالاطلاله الرائعه
وع حظورك الدائم وتواجدك بين طيات صفحاتي

[أبو الفيصل]

أموت لك \أموت منك \أموت معك \أموت فيك
ضع خط .. تحت الموته اللي تعجبك وأموتها


اخي المبدع اوراق مبعثرة
اختيار جميل وقصيدة راقت لي كثيراً وجت على الجرح
اشكرك جزيل الشكر واسمحلي بهذا البيت المتواضع.



ادميته اجروح(ن) برت ما اقول غير الله يهديك
كــل ما اقــول انها بــرت يجي واحــد ويشوتها

[ابو شزن]

إي والله أحبّك ولا زلت أعشق وصالك وأبيك
وفي خاطري لك هيبة ملوك العرب ببشوتها


تسلم يمناااك
مريت
منا

[أوراق مبعثرة]

المشاركة الأصلية كتبت بواسطة أبو الفيصل

أموت لك \أموت منك \أموت معك \أموت فيك
ضع خط .. تحت الموته اللي تعجبك وأموتها


اخي المبدع اوراق مبعثرة
اختيار جميل وقصيدة راقت لي كثيراً وجت على الجرح
اشكرك جزيل الشكر واسمحلي بهذا البيت المتواضع.



ادميته اجروح(ن) برت ما اقول غير الله يهديك
كــل ما اقــول انها بــرت يجي واحــد ويشوتها

تقبل مني هالرد البسيط
عطني جروح قلبك وقلبي بلحظات الفرح يهديك
ولا تكن مثل الذي لاعطيته افراح قلبي يشوتها

هلابك ابو الفيصل الله يعينك اخوي
وكلنا بالهوى سوى ولابد نصبر بعض
اسعدني مرورك كثيرا