إيه هى ذنوب الخلوات ؟؟؟

[الرهيب]

‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏
*فيه ذنب ناس كتير مش بتاخد بالها منه، بس هو من أخطر وأثقل الذنوب عند ربنا، وده اسمه ذنوب الخلوات. يعني إيه؟ يعني المعصية اللي الإنسان بيعملها وهو لوحده، من غير ما حد يشوفه ولا يعرف عنه حاجة....

*إحنا ساعات بنستحي من الناس، ونخاف يتكلموا علينا لو غلطنا قدامهم، لكن لما نقفل علينا باب أو نختفي عن عيونهم، بنسيب نفسنا للذنب كأن ربنا مش شايفنا !!
`مع إن ربنا سبحانه وتعالى قال: ﴿يَسْتَخْفُونَ مِنَ النَّاسِ وَلَا يَسْتَخْفُونَ مِنَ اللَّهِ وَهُوَ مَعَهُمْ﴾..`
*يعني إزاي نستحي من البشر اللي زينا، وننسى إن اللي خلقنا شايفنا وسامعنا ؟؟؟

*الخطر الحقيقي في ذنوب الخلوات إن قلبك بيتعود على المعصية، والستر اللي ربنا ساترك بيه ممكن يترفع عنك في لحظة. وساعتها الفضيحة بتبقى قدام الدنيا كلها ...
*كمان الذنوب دي بتخلي القلب يظلم، والواحد يحس إنه بعيد عن ربنا ومش قادر يقوم يقرب تاني ...

لكن في نفس الوقت، ربنا رحيم جدًا. زي ما هو شايفك في ذنبك، هو كمان شايف دموعك لو تبت. شايف قلبك لو ندم، وبيفرح برجوعك أكتر ما تتخيل..
ف يلا نتوب ونرجع لربنا ونستحيي منه ونوقره فى خلواتنا قبل جلواتنا ... ونعاهد ربنا من النهاردة اننا مش هنرجع للذنب ده تاني .. ولو وقعنا هنقوم تاني وتالت ونقوله يارب توبنا ورجعنا فاقبلنا وثبتنا على طاعتك حتى نلقاك وانت راض عنا ...
(وتذكروا إن ما عند الله لا ينال إلا بطاعته )
*ربنا يجعل خلواتنا كلها طاعة ونور، ويبعدنا عن ذنوب السر اللي ممكن تضيعنا من غير ما نشعر 🥺

#دمتم٠بخير 🌹