>> حجم الزعـــل <<

[الساحل]

>> حجم الزعـــل <<


عن و طى أرض السحاب تعانقه هيبة علــوي
و التواضع من صفات العظماء المستحبــــــة
***
و الحياه الفاخره روعه لكن ما هي بجـــــــوي
جوي الفرحة على وجه الفقراء الأحبـــــــــــة

***
يا سمو الشعر يلي تشبهك هيبة سمــــــــــوي
الغلا ما فيه قلبٍ ما لعبه ما لعبــــــــــــــــــــه
***
و الحبيب لا زعل منه حبيبه وش يســــــــوي
هل يسبه يا طويل العمر ولا ما يسبــــــــــــه
***
قال عمري ما نويت أشب للهجران ضـــــــوي
و النصيحة خل عنك الهجر لا تحاول تشبـــه
***
الرضى عكس الزعل لكن بتفكيرك تــــــــروي
تعرف حجم الزعل دايم بحجم المحبــــــــــــة
***
قلت أنا ناوي فراقه بس أنا لا جيت أنـــــــوي
قام يجذبني هواه اللي يذعذع من مهبـــــــــه
***
الغزال اللي ربى في دبي له قلبي مهـــــــــوي
طول فغربته و الرابي ما يصبر عن مربــــــه
***
ذكرياته في الخفوق و طيفه خلافي و تـــوي
في التراب في كل شبر في البحر في كل غبه
***
الزعل فيني عمل حاجه ما عملها عــــــدوي
علموه يخاف في فزااااع ياهل الخير ربـــــه




.كلمات.
..سمو الشيخ..
... حمدان بن محمد بن راشد آل مكتوم...

[بنت الجنوب]

صح لسان الناقل وشاعر

[دايم الشوق]

يا سمو الشعر يلي تشبهك هيبة سمــــــــــوي
الغلا ما فيه قلبٍ ما لعبه ما لعبــــــــــــــــــــه
بـــــــــــــــاركـ الله فيكــ أختيار مميز..

[ريح العبير]

قال عمري ما نويت أشب للهجران ضـــــــوي
و النصيحة خل عنك الهجر لا تحاول تشبـــه
***
الرضى عكس الزعل لكن بتفكيرك تــــــــروي
تعرف حجم الزعل دايم بحجم المحبــــــــــــة



ابيآت جميلة للشيخ حمدان ومعانيها جزله


عافاك ربي ع الطرح


تقبل طلتي هنآآ



كل الود