سجل حضورك ببيت شعر ( متجدد )

[نسمة هدوء]

الناس ما تسقيك لاصرت عطشان
ولا يروي المضمي ( حذا ) من ذراعه !

أضرب على الكايد ليا صرت بحلان
وعنـد الولي وصل الرشا وانقطاعه

إمـا تـجيب عقود حص ٍ ومرجان
والا فهي لبليسٍ يطير بشعاعه

[نسمة هدوء]

غرست .. جذر الوصل في صدري الصابر
.......... وانته بِ صدر المواصل تغرس سيوفك

من يوم شفتك حيا في داخلي شاعر
.......... حرااام يقتل طموحه خنجر ظروفك ..

عبد العزيز بن سويط

[نسمة هدوء]

تَعَـبتِ من الحنين يـْنـِزّ في دمّي
يشتـّتني واتيه بمعـمعة أحلام

غريبه واحسـِبه أحيان مـِثل أمي
أعـيشه حِلم ياخـِذني أمل واوهام

يطَبطـِبني يغـَني لي وانا أسمّي
لَجـِل مَ يـْغيب وارجع بالعنا أنظام

أوإنّه طـِفْل أنا أمّه عَشَق شمّي
فقد عينه وصرت اعيون له بزحام

تعبت من الحنين وزلزلة هـَمّي
أهـِزّ أغـصان ترياقه وألمّ آلام

[نسمة هدوء]

قالوا العيد " قلت " العيد لقياها ...!
.................. والله إنّي عليها من الوله ميّت ..!

[نسمة هدوء]

قالوا العيد " قلت " العيد لقياها ...!
.................. والله إنّي عليها من الوله ميّت ..!

[نسمة هدوء]

طشّوا الدنيا .. على كتفي .. وراحوا
اتركوا لي .. كلّ هـ الحمل وجفوني !

(الله يسامحهم) ، شلون استباحوا
دمع عيني .. وارحلوا ، ماودّعوني ؟

كانوا: الأكثر تعب ، بسّ استراحوا !
كانوا : الأضيّق مدى ، لين اسجنوني

اضحكوا .. ماكنّهم في يوم .. ناحوا
اعقلوا .. ماكنّهم .. (ربّو جنوني) !!

كثر ماطالعتهم .. بـ الوجه : شاحوا !
قدّ مااتشبث .. بذكراهم .. نسوني !

كل ماهبّت .. (رياح الشوق) ، فاحوا
وين .. مايمّمت وجهي .. حاصروني

وان برق .. نسيانهم بـ العين .. لاحوا
غير : عن شوقي بصورتهم ملوني !!

ليتهم : يوم انّ دمعي : طاح / طاحوا
بسّ لو قلبي : رضا .. (عيّت عيوني)

غافلوا قلبي .. مسا الفرقا ، وراحوا !
كل شيّ : أخذوه لكن .. ماخذوني !!


عبدالله مدعج

[نسمة هدوء]

أغفى وأفكر من قبل غفوتي فيك
وأصحى الصباح وما على بالي إلا أنت

يسعد صباحاتك ويسعد لياليك
ويـاجعــل ربي يحفظـك ويـن ماكـنت

[نسمة هدوء]

يميسُ حُسناً بهياً في رواياتي
ويَطعمُ الشهدَ من أزهارِ أبياتي

أُدفئ القلبَ .. حتى لو أضرّ بهِ !
وراحَ يُمطرُ ثلجاً في شتاءاتي

ياليلُ ! يابيدُ ! ياخيلي ! أسرّك منْ
أحالني مضغةً في عينِ شمّاتِ ؟!

كسّرتُ أقلامَ نبضي بعدَ غيبتِه
ورحتُ أنثرُ مأساتي بممحاتي


عبدالرحمن المحيميد