فمفاجأة مدوية ( أستكمال لقصة أستوقفتني هيئته فعرفته 3)

[غصن التوت]

فمفاجأة مدوية ( أستكمال لقصة أستوقفتني هيئته فعرفته 3)

فمفاجأة مدوية ( أستكمال لقصة أستوقفتني هيئته فعرفته 3)

في أجواء شرقاوية جميلة ملبده بالغيم في حدود الساعة الواحدة والنصف ظهراً تقريباً رجعت من الجبيل وأدخلت يدي في جيبي لفتح باب منزلي فإذا بي أسمع صوتا" من بعيد يناديني فلتفت لنهاية الشارع فوجد عبدالرحمن الذي كان يهرول وبيده كرتون القطاوة ويميل جسمه يمنةً ويسره متأثراً بحركة الكرتون في يده وبجواره طفل يمشي معتنزاً على الجدران ويقفز مرة على قدمه اليمين ومرة يمشي متأثراً بأصابته ..فقد لمحت شاش أبيض في قدمه اليسرى ..ذلك الفتى الذي وصفته نظراتي في لحظات ((قمحي البشره أطول من عبدالرحمن بقليل مرتدياً قميصاً مقلما بلون الأحمر وبنطالاً أبيض)) فإيقنت أنه خليل صديق عبدالرحمن فما أن وصل عبدالرحمن إليّ إلآ قال بأنفاسه المتقطعه : ماتت القطاوة مابقى غير واحد ووضع الكرتون في الأرض وحمل القطة الصغيرة ورفعها لي وقال : شفلها شكلها بتموت ما أكلت وأمي حاولت تعطيها حليب بس ما قدرت وقالت لي رجعه لخويك .. قلت : لا يكون قلتلها أني أنا أعطيتك ..فأدخل يده في جيبه وقال : خذ خذ ..فإذا به يخرج ورقة مطوية ويعطيني إياها ..قلت : وش هذا عبدالرحمن ..قال : أمي قالت أعطيك هيه .. قلت : والله أبتلاشنا ليه علمتها أنك تقابلني.. قال : إيوه .. فما أن هممة أن أفتح الورقة المطوية إلآ وصلت أنفاس (خليلو خليلو) وهو مردداً سلام بصوت فيه نوع من التعب وكأنه يريد أن يلمح لي بأنه مكسور حين قال مباشرةً بعدما رفع رجله : رجلي با توجعني ..فبادرت بالسلام عليه وقلت : سلامات ياخليلو وش جرى فبدأ يسرد لي قصته التي سبق أن قصها لي عبدالرحمن وعن والده المتوفي ..فجلس عبدالرحمن بجوار قدم خليل وحدق ببصره فيها وقال : من وين توجعك فبادر خليل مجاوباً من هنا.. مشيراً لكعب قدمه .. فضغط عليها عبدالرحمن برفق وقال : شوي شوي إذا صرته تمشي لا تنقز عليها ..ضحكت وقلت : لا خليل رجال وراح يكون بخير بعد أسبوع ..فأدخلت الورقة في جيبي حتى لا أقرأها أما خليل ويسألني عنها وأكتفيت بالسؤال عن أحوال عبدالرحمن وخليلو ..فقال عبدالرحمن : بروح الرياض بعد العصر .. قال خليلو : اليوم الجوء غيوم بيجي مطر .. قلت : طيب وش أخبار دراستكم ..قال خليل بأنفاسه المتقطعه : أنا ما أروح عندي إجازة ..قلت : علمني عبدالرحمن .. قال : عبدالرحمن أنا رحت المدرسة واليوم أعطاني الأستاذ درجة عشان جاوبت ..أبغى أصير في أرامكو ..قلت : شاطر حبيبي عبدالرحمن شد حيلك .. قال خليل : غريبه من الأستاذ اللي أعطاك درجه لا يكون الأستاذ عبدالله الجمعان ..تراه أعطاني درجة يوم جاوبت قبل أسبوع ..فبدأ النقاش والحوار بينهما وأنا كلي أذنٌ صاغيه وأنظر للأجواء الجميلة والنسائم العليله التي أطربت أنفي ..قال عبدالرحمن : لا أستاذ القرآن محمد الدعيج..عشاني سمّعت له السورة سورة الطارق ..قام خليل خرج عن الموضوع وراح وادي ثاني (شكل هالولد حق سوالف) وقال : أنت أتحادي ..قلت : من قالك .. قال : عبدالرحمن أنا قلتله ..فقال خليل : أنا نصراوي ..قلت : طيب وش أخبار الأهل كيف أمك وأخوانك.. قال : عبدالرحمن اليوم أم خليل ضربته عشان ضرب أحمد ولد جيراننا صغير باقي ما يدرس .. قلت ليش خليل تضربه ..قال : هو تحرش فيني وجلس يرميني ..قلت يازينك عاد وأنت تضربه وأنت أكبر منه ..هدي ياخليل وشفيك على عيال الحارة..قلت : طيب دقيقه شباب خلوني أكلم المطعم أطلب غداء عشان أنتظر سيارة التوصيل الطلبات حتى تجي وأسولف معكم وشرايكم تتغدو معي ..قال : عبدالرحمن تغدينا بس القطوة ماتغدت ..قلت : والله ربي بلانا بهالقطوة يالدحمي ..قال عبدالرحمن : والله مسكينه أمس أخوانها ماتوا قدامها بس هي ماتشوفهم عيونها دايم نايمه .. قال خليلو : أرموها وسخه وش تبون فيها ..فأتصلت بالمطعم وطلبت غداء وببسي دايت ..قال خليل : هذاك مافيه سكر ..قلت : إيوه عشان إنو مافيه سكر أنا أحبه..قلت : خليل ليش نرميها مافي قلبك رحمه .. قال : لا بس من جد ماتشرب حليب يعني بتموت .. فقال عبدالرحمن : إيه إيه (مُنادياً لي) قبل الشوي .. ((قاطعته أنا وقلت أسمي علي ..)) قال : علي قبل أشوي أبو نوره عطاني ورقة وقال أوديها لواحد في نهاية الشارع .. (قلت لايكون هالورقة إللي عطيتني إيها خيب الله أبليسك ..) قال : لا هذي من أمي ..قلت : أشوى ورجعتها لجيبي .. (( وطبعاً أبو نورة هذا مروج مخدرات وتم القبض عليه أكثر من مرة ولازال مراقب إلى الأن من البحث..ولكن الظاهر أنه بدأ يستفيد من أنتشار أبناء الجيران في الشارع خاصه وأن الجو يساعد على ذلك وعشان يوزعون له بدون مايدرون وش هذي البلاوي اللي يودونها ..)) قلت أنا : عبدالرحمن والله لو شفتك مرة ثانية تسويها لأقطع يدك أنت تعرف من يكون أبو نورة .. قال : لا بس أنا أشوفه دايم ملابسه وسخه ويجلس عند الباب كثير ويحاكي روحه.. قلت : ولو عبدالرحمن والله لعلّم عمك وأمك عليك لو باقي قربت من ابو نورة .. وأصلاً أنا لازم أقول لعمك عشان مرة ثانية ماتروح لأبو نورة .. قال عبدالرحمن : لا والله أنا مارحت هو قال لي تعال وأعطاني ورقه مطوية وقال وصلها لأخوي هناك إللي فالسيارة الحمراء إللي عند المسجد وأنا أخذتها ووصلتها والله ماقصدي .. ((كان يأشر ويتكلم بحرقه وخوف من أني أقول لعمه)) وقال : وبعدين عطيته إياها وقال مشكور يا بطل وعطاني 5 ريال .. وعاد لسؤالي : علي بتروح تعلم عمي .. قلت لا لا بس والله لو عدها لأعلم عمك .. ( عااااد خليلو أنقمط بقوووووة وسكت ومعد سمعت له نفس ووجهه قلب علبة أللون ..)) فسألته : خليل وأنت سبق ووديت شيء لأبو نورة .. قال : لا والله هوه دايم يقلي بس أنا ما أروح ..قال : عبدالرحمن مقاطعاً له : كذاب والله مرة أعطاه أبو نورة كيس وأعطاه واحد عند مطعم كوهالا أللي عنده جمس أخضر ياخليل تتذكر.. قلت : بالله وليه تكذب ماتدري أن حرام الكذب .. قال : أنا ما أدري هو أعطاني وعطاني عشرة ريال ..قلت أنا: وأنت على طول رحت وصلتها .. قال : ما أدري وش فيها .. قلت على كل حال : أبو نورة هذا عنده مخدرات ولو مسكتكم الشرطه راح تدخلكم السجن وتضربكم وممكن تذبحكم حتى.. قال خليل : والله ماعاد أودي له شيء .. قلت : أنا بحصله اليوم وبقله عنكم وبتفاهم معه وأن ما حصل شيء ببلغ عليه الشرطه بس أنتم لا أسمعكم مرة ثانيه تقولون هالكلام لأحد ولا تودون شيء لأبو نورة .. قال عبدالرحمن وخليل : طيب طيب ((برجفه بسيطه في لحي خليل المنتفض))..قال عبدالرحمن أقرأ الرسالة وش فيها ((طبعاً يصرف عشان نخرج من الموضوع)) .. قلت : طيب نشوف وش في هالرسالة ..! ((وأدخلت يدي في جيبي)) وقلت : إييييه تبي تنسيني موضوع أبو نورة ياالدحمي هاه .. قال : لا والله توبه خلاص ماراح نعيدها .. قال : خليل سواق المطعم جاء .. قلت : يالله عاد أنا بروح أتغدى وأنزل قصتكم المجنونه هذي فالمنتدى .. قال : خليل لا تقول لأحد .. قلت : والله ياخليل لو باقي عدتها لأعلم أحد أعمامك أو أخوالك.. شوف كلها من تحت رأسك لو ماشافك عبدالرحمن ما كان سوى سواياك بس طيب طيب ياخليلو.. قال خليل : لاتزعل والله ما أدري وش في هالأكياس .. قلت : يعني أكياس مو كيس واحد هاه.. طيب طيب .. قال : عبدالرحمن مدافعاً : لا والله مرة واحده بس .. قلت : خذ ياخليل هالفلوس ورح جب الغداء من سواق المطعم .. ((أخذها خليل وأنا كنت أبي أنفرد بعبد الرحمن )).. جلست على الأرض على قدماي ومسكت بأطراف أكتاف عبدالرحمن وقلت : شوف عبدالرحمن مو إي شيء يسويه خليل تسوي زيه وأنتبه لنفسك عشان أمك لا تزعل منك والشرطه تأخذك وأمك ما عندها إلآ أنت .. قال : طيب والله ما عاد أسويها ياعلي.. وأذا أعطاني أبو نورة شيء برفض وبعلمك على طول .. عاد جاب خليل الغداء والباقي من الفلوس وأعطيتها إياها وقلت رح خذ عصير لك ولعبد الرحمن ..فستدارا من أمامي وقالا شكراً وذهب عبد الرحمن وهو شامخاً في وجه خليل وخليل يعرج معتنزاً على الجدار وعبد الرحمن يأخذ الفلوس من يده ويسبقه على البقاله ..
نلتقي مع عبدالرحمن بعد عودته من الرياض .. أما خليل فقد يكون لنا به لقاء قريب ..
كنا بعمر وصرنا بعمرين .. خليل وعبد الرحمن ..
ولا أدري ما سر الورقة التي في جيبي وودي أقراها قبل ما أدخل البيت ولكن أتركها مفاجأة في الجزء الرابع (أدري أن مالها داعي حركتي هذي بس لازم من التشويق ولا ما راح تنتظروا الباقي من قصة الدحمي وخليل القادمة )),,وخاصة أن ما في الورقة من كتابه طويله جداً.. وأنا جايع والغداء بيبرد (ومقابل العيش ولا مقابل الجيش..) صح يالعسكر..
من على غصن التوت حلقت لكم بما سبق ..
تحياتي لمن أنتظر كتاباتي .. ولنا لقاء يحلو معه السمر

المصدر: منتديات بني بحير بلقرن

---

tlth[Hm l],dm ( Hsj;lhg grwm Hsj,rtjkd idzji tuvtji 3) 3

[بنت الجنوب]

الله يستر من الورقه !!

وننتظرك ....لاتبطي

[برنسيسة الوادي]

ماشاءالله أبدعت في القصه...وشوقتنا نبغى نعرف اش في الورقه من كلام ...بإنتظار التكملة والمفاجأه ,,

[شذى الجنوب]

أخي طير غصن التوت
جزاك الله خير
قصه ممتعه ورائعه
*******
جااااري الإنتظار
بس لا تطول نبغى نعرف وش في الورقه
.......

[دريم]

قرأنا ماسبق من روايات فقررنا ماهو آت :
ـ سوف نلقي عليك لقب أبو بسه نظرا لعدم رفقك بها فأنت استغليت هؤلاء الصغار للخلاص من البساس كما استغلهم ابو نوره للخلاص من المراقبة .
ـ اذا التقيت بك سوف اعضك بإذنك اليسرى لأنك اصبتني في مقتل وهو حبي وشغفي للقصص فأصبحت تعمل فيها مفاجئات وتشوقنا وتمسكني من اليد اللي توجعني .
ختاما اتضح ان خليلوه حاله ميئوس منها وتركيزك على عبدالرحمن وياعالم ايش في الورقه شكلها اترك ولدي في حاله ياخليل رقم 2 جايبله قطاوى وضيعته عن دراسته .
انتظر جديدك بفارغ الصبر اخي الغالي علي ، مع اني راح اسافر الطائف الا انني راح اتابع معك بإذن الله

[هيبة ملك]

ما لها داعي علقتنا لكن ما معنا الى الصبر

[غصن التوت]

اقتباس:المشاركة الأصلية كتبت بواسطة بنت الجنوب

الله يستر من الورقه !!

وننتظرك ....لاتبطي

أختي بنت الجنوب أشكر مرورك وأنتظارك للورقة (الصراحة : لازلت متردد في طرح مافيها لأن الأمر جداً جداً صعب وفيخ تبيين لأشياء خليها علي ربك ..)
وماراح أبطي ولكن أصبروا حتى يجي عبدالرحمن ..

[غصن التوت]

اقتباس:المشاركة الأصلية كتبت بواسطة برنسيسة الوادي

ماشاءالله أبدعت في القصه...وشوقتنا نبغى نعرف اش في الورقه من كلام ...بإنتظار التكملة والمفاجأه ,,

أختي برنسيسة الوادي أشكر لك هذا المرور وسبق أن ذكرت أن الأمر الذي في الورقه صعب طرحه لكن لن أحرمكم إياه ..وأنتظروا التكملة أن شاء الله .. لكشف المستور ..