التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
« آخـــر الـــمـــشـــاركــــات »
         :: *💫 #علمتني_آية 💫* (آخر رد :الرهيب)       :: ليلة القدر تطلب ليلة الفرقان وليس يومها (آخر رد :الرهيب)       :: ✨ *برنامج آية وفائدة* ✨ (آخر رد :الرهيب)       :: دورة علمية في التجويد* (آخر رد :الرهيب)       :: إلى رحمة الله " جابر علي احمد ال حسن البحيري"(سويد) ولم يحدد وقت ومكان الصلاة والدفن (آخر رد :abuzeed)       :: أثناء خروجك من البيت ستلقى صنفين من النساء (آخر رد :الرهيب)       :: هذا هو الرقم الموحد الذي دشنه أمس وزير الشؤون الإسلامية .. (آخر رد :الرهيب)       :: شرح مُبسط ومُختصر 🔷 مخارج الحروف 🔷 مخارج الحروف من أهم الأبواب في علم التجويد. ♦️ويجب على قارىء القرءان أن يتقن مخارج وصفات الحروف حتى لا يتغير مخرج الحرف وبالتالي يتغير مدلوله 🔷والمخرج هو: م (آخر رد :الرهيب)       :: الفتور في رمضان . (آخر رد :الرهيب)       :: دعاء القنوت جاهز ومرتب لصلاة التراويح والقيام (آخر رد :الرهيب)       :: ضبط الانوثة (آخر رد :الرهيب)       :: منصة وقفي (آخر رد :الرهيب)      



منتدى القلم الخاص بخفق الورق ورحابة الحرف نرتقي إلى أكوان الرحابة .. قصه ، فلسفة ، خواطر - من كتاباتك الشخصية فقط

الإهداءات
الرهيب من الرياض : ‏﴿وَالسَّابِقُونَ السَّابِقُونَ أُوْلَئِكَ الْمُقَرَّبُونَ﴾‏الحياة ميدان سباق إلى الله‏..سابقوا بالخيرات..‏سابقوا بالطاعات.    

الفراق (الجزء الثامن من قصة أستوقفتني هيئته )

عدنا من جديد وقد آلمنا ما أصابنا بعد وفاة الأخ الغالي وصديق الطفولة والدراسة والمرحلة العمرية ككل المغفور له بأذن الله الأنسان المحبوب : عبدالله عزيز مالك القلوب في حياته

إضافة رد

 
LinkBack أدوات الموضوع

قديم 04-05-2010, 12:06 PM   #1
مشرف منتدى القلم الخاص سابقا
 
الصورة الرمزية غصن التوت
 

غصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهر
افتراضي الفراق (الجزء الثامن من قصة أستوقفتني هيئته )

عدنا من جديد وقد آلمنا ما أصابنا بعد وفاة الأخ الغالي وصديق الطفولة والدراسة والمرحلة العمرية ككل المغفور له بأذن الله الأنسان المحبوب : عبدالله عزيز مالك القلوب في حياته وموته.. اللهم أنزل على قبره الضياء والنور..والفسحة والسرور..اللهم أرحمنا أذا صرنا إلى ماصار إليه ..اللهم أجعل القبور بعد فراق هذه الدنيا خير منازلنا ..وفسح فيها ضيق ملاحدنا..اللهم يمّن كتابنا..وبيض وجوهنا..وثبت أقدامنا..ويسر حسابنا..ورزقنا وأرزق عبدالله جوار نبيك صلى الله عليه وسلم .. مع النبيين والشهداء والصديقين وحسن أولئك رفيقا.. ( آآآمين آآمين يااارب العالمين )

فرحمة الله عليك يا عبدالله وأننا على فراقك لمحزونون ولِلِقائك لمشتاقون..!

فدعو معي أيها الأعضاء الكرام له بالعفو والمغفرة وجنات الخلد أن شاء الله ..




الجزء الثامن رغم أني أكتبه وكلي ألماً وحزناً لما أصابنا .. ولكن هكذا أراد الله ولا راد لقضائه ..



الجزء الثامن من سلسلة أستوقفتني هيئته فعرفته ..!


ذهبت للمسجد مباشرة ً بعد عودتي من العمل منهك البدن شاحب الهيئة وقد جرى فيني التعب مجرى الدم .. فوضعت حقيبة جهازي وتوضأت وذهب للأداء صلاة العصر ووصلت متأخراً وفاتني ركعة .. فبعد سلام الإمام بدأ الناس بالخروج وكانت أنا قائماً لأستكمال الركعة الفائته عندما كنت أسجد أرى ظل أحد خلفي .. وبيني وبين نفسي لا يكون أبو نورة وأنا ساجد يذبحني .. حتى أني كنت أسجد وأركز رأسي على جبهتي لكي أرى من خلفي .."لكن" شفت رجووول سوووود ولونها برازيلي ونظااااف ..قلت لا لا أشوى..! مو أبو نورة أنا أعرف رجوله تجيب الهم .. أهم شيء رجعت لي الطمأنيينه في صلاتي وكان التشهد الأخير فما أمداني أقول السلام عليكم ورحمة الله الأولى إلآ ويد الرجال فوق كتفي .. ولي بيشوفني بيقول هذا له عندي دين ويبي يمسكني قبل ما أقوم .. تسلمت التسليمه الثانية وألتفت له

وأشوف ..!


ونااااظر ..!


وأدقق ..!

طلع رزاق .. ما أمداني أقول إي ذكر بعد الصلاة ..ولا إي كلمه له.. عاد جلس بجنبي الأخ ومد يده وسلمت عليه قال : هذا مدير بيت أنا اتصال هوه ويجي بعد عصر شوف بيت إيش مشكله .. قلت : طيب طيب بس خلنا نصلي أللحين.. قال : شوف صديق لازم سكر مويه ..قلت : اللحين فاضين للمويه ولا نصلي (أدخلوا في وجهوه).. قال : مافي مشكل أنا إنتظار بيت أنته .. قلت : طيب طيب روح أنا خلاص دُعاء يجي أنته..عاااد أنا توي جاي من العمل ومو فاضي له وباقي ما تغديت وخلوها على ربكم.. كملت الأذكار بعد الصلاة ورحت وخرجت من المسجد وأنا اللبس أكرمك الله حذائي وأذا بي أللمح (خليل أفندي) و(عبدالرحمن) وأثنين معهم وماسكين زاوية عند محل خطاط في ظل شجرة هناااااك بجوار اللوحات التي أخرجها صاحب المحل لتجففها الشمس ..ومتجمعين على خليل (ما أدري على إيش).. أستغربت وش عندهم قلت : أروح أشوف وش عندهم ولآ أروح عند رزاق وأرحمه من طول الأنتظار .. قلت : يا رجال خلهم بعدين يطلع لي ظاهر ولا شيء و يسوي لنا مشكلة وخااصة أن فالمسجد اليوم غريبه.. قفيت ومشيت متجه للبيت إلآ و عبد الرحمن يناديني وألتفت وأقبلني يركض والصراحة أنا كنت حيل مشتاق له ولوجهه الطفولي خاااصه أنه أمس ضربه عمه..عاااد وقفت وتصنعت الضحكة رغم أساي على حاله وحال أمه بعد موضوع السابق.. أللي زاد الغرابة وزادني دهشة أنه أول موصل عندي على طول مسك يدي وسحبني ..! وقال : تعال تعال شوف خليل وش قاعد يطالع هو الشباب ..طبعاً نظرت لمكان وقوفهم وشف خليل يخفت لأخوياه ويحط الجوالي في جيبه ..قال عبدالرحمن : علي خليل عنده في جواله حاجات وسخه وأنا علمتك عشان لا تزعل مني ..قلت : ياحبيبي أنته طيب اللحين نروح نشوفها ..وكيف حالك أنت وكيف الوالده عساها بخير .. قال : عمي ظاهر دايم يخاصمها .. قلت : لا تخاف عليها ..بس أنت وش أخبار دراستك (خليل خليل لاتروح أبيك تعال ..طبعاً خليل بغى يشرد لكن وقفته) قال : عبدالرحمن : الدراسة حلوة بس اليوم صار شيء..! عاااد وصلنا لخليل وما كملت مع عبد الرحمن ..عاااد سلمت عليهم وقلت وش عندكم ..طلع لي واحد من الاثنين اللي مع خليل وقال : وش دخلك ..قلت : قويه هذا ومن أنت ..قال خليل : هذا محمد ولد جارنا قاسم ..قلت : وشفيك كذا قليل أدب أحترم اللي أكبر منك ..قال : أنت وش تبي فينا .. قلت : عاااد لا يكثر بس..وأنت ياخليل وش عندك في جوالك ..قال : والله مافيه شيء ..قال محمد قاسم : أقول أنقلع أنقلع يالله مشينا ياخليل ..قلت : تعال أنت وش فيك كذا ضاربه فيوزاتك ولا محترق منها شيء.. قال : أقول أنقلع .. (طبعاً كلمة أنقلع تيه باتحك في كبدي بس جاهلن وش أسوي به ) قلت : أقول جيب الجوال يا خليل .. قال : خليل خذ .. عاد أخذت الجوال وبدأت أفتح الأستيديو إلآ وأسمع صوت ( علي علي صديق تعال يجي مدير) أللتفت إلآ ورزاق عند الباب البيت ينتظرني ..رفع يدي وأشرت له طيب طيب .. فتحت الأستديو وياليتني مافتحته ..وأول مافتحته حسيت بعبدالرحمن يتشبث فيني ..طالعت فيه ..وكنت منزل رأسي وفجأة إلآ وظاهر عند رأسي والمشكلة أن المقطع الصوت حقه طااالع .. وكان في المقطع أصوات ( ! ! ! ! ) وتفاجأة بالصوت وظاهر في نفس الوقت.. وإلآ ظاهر يأخذ الجوال من يدي .. وطالع له وقال : وبرضو تعلم أولادنا هالأشياء ..قلت : لا تفهم خطأ يا أخوي .. عاد الأولاد شردوا ..وفي نفس الوقت خرج إمام المسجد ..وقال ظاهر تعال تعال يا أبو سعد وشف جارنا وش يعلم أولادنا ..قلت : يا أبن الحلال .. مايصير أفهمني طيب .. (الجوال في يد الأمام) قال : أستغفر الله أستغفر الله وش هذا .. أنت ناوي تخرب أولادنا .. قلت : يابو سعد الجوال مو لي .. قال : لمين أجل .. قال ظاهر : والله أنه حقه وهو ناوي يخرب هالعيال علينا ولازم ما نسكت على هالشيء.. (رزاق يصارخ تعاااااال ) بيني وبين نفسي (جنين بكبرك ).. قال الإمام : والله عيب عليك أنت أنسان كبير وهذا الشيء للمراهقين وش خليت لهم ..قلت : يا جماعة الخير أصبروا أفهمك الجوال والله مو لي ..قال : ظاهر كذبت الجوال حقك وأنا شفتك وأنت تفتحه للورعان .. قلت : أحترم نفسك ولا تكذب الرجال وأنت أنسان كبير وأنا الحمد لله مو لي هالأشياء .. قال عبدالرحمن : والله هذا جوال خليل مو جوال علي .. عاد ظاهر سحب عبدالرحمن من جنبي (وعطاااااه كف بقوووة وقال أسكت أنت كذاب زيه) وطاح عبدالرحمن على اللوحات اللي كان ناوي يجففها هالخطاط .. وجت يده تحت ظهره وجلس يبكي ويمسك يده .. وقال الأمام : لو أن أبوك ضربك كذا كان تربيت وما سويت سواتك هذي.. عاااد أنا أتجهت لعبدالرحمن وجلست له ونفضت ملابسه وهو يبكي ومن قلب .. قلت : أللحين أنت مو مصدق أنه مو جوالي ..قال الامام : أنا بصدق لما أوديه للشرطة وبلغ عنك وعن وساختك إللي جالس توريها للعيال ..وقمت وقلت : أعلى ما في خيلك أركبه ولي ما توصله بيديك يا أبو سعد مده برجولك وحسبي الله على الظالم والله ينتقم منكم بس حرام تدعي الصلاح وأنت ضده ومو فاهمه .. وكنت ماسك يد عبدالرحمن وقالي وهو يبكي : علي باتوجعني يدني فكني ..الظاهر أني كنت أضغط عليها بالخطأ محل وجعه ..و فكيتها وسحبه ظاهر من يدي من نفس المكان اللي كنت ماسك فيه وقال يالله على البيت أربيك يا ورع .. وقلت : حسبي الله ونعم الوكيل فيكم (رزاق يصارخ راعي البيت وصل) قلت : يا أبو سعد أسمعني ولا تعطيني ظهرك (كان يبي يركب سيارته) مسكت بكتفه وقلت والله ظلمتوني والله الجوال مو لي ..ولا تشوه سمعتي في الحي على حساب شيء أنت مو فاهمه .. قال : إيه مو فاهمه تعلم أولادنا الرذيلة وشي مو فاهمه هاه ..؟ وسكر باب السيارة في وجهي وشغلها ومشى .. قلت : حسبي الله ونعم الوكيل حسبي الله ونعم الوكيل (رزاق جاني يالله يالله مدير بيت يجي أنتظار 10 دقيقة ) قلت : الله يا خذك ويا خذ مدير البيت والساعة اللي سكنت فيها فوقك وفي هالحي .. قال : يالله يالله سرعه (مافهم وش قلت).. آآآآآه طيب يالله مشينا .. وأنا أفكر وش راح يصير ووش ظاهر بيسوي لعبدالرحمن الله يكون في العون يااارب .. وصلت عند باب بيتنا .. حصلت العم علي صاااحب البيت .. قلت : مرحبا حي الله من جانا ..قال : الله يحيك يا ولدي وش اللي عندك أنت واللي كانوا معك عسى ماكو مشكلة وأنا عمك ..قلت وأنا أفتح الباب : لا لا بس تعرف هالحي وشويت مشاكل يبون قطه للمسجد (الله يبتصريفه تيه) تفضلوا تفضلوا ..قال : والله أزعجنا هالهندي كل يوم يتصل عليّ عشان هالمويه اللي تنقط عليه .. قلت يارجال هالهندي كذااااب .. ورزاق دخل خلف راعي البيت بس أنا ما شفته قال : أنا مافي كزاااااااب .. قلت : الله يزيلك كنك هنيه .. دخلنا دورة المياة (الله يكرمكم) وشاف الشقور أللي في حواف دورة المياة .. وقال : خلاص بكرة حط لي المفتاح عند علبة الجرس ..قلت : أخاف أنك ماتجي زي أول .. قال : لا لا أنا بكرة موجود في بقيق وراح أكون هنا وبجيب معي العمال ..قلت : طيب طيب ..تفضلوا نتقهوى قهوة العصر .. (نسيت مافي بن ولا هيل خلصت) قال : لا لا والله مشغول وماشي الإحساء بس كنت راجع من الدمام وقلت أمر وأشوف مشكلة رزاق كل يوم يكلمني عنها.. نط رزاق وقال : بكرة يجي نفر .. (آآآه آآه يا نفروبك) قال راعي البيت : بكرة الصباح راح نكون هنا وأن شاء الله نضبط الأمور وأنت يا علي شقتك محتاجه شيء ولا شيء ..قلت : لا لا ولو في شيء بصلحه لا تخاف ..!
عاد خرجوا من عندي وأنا حامل هم عبد الرحمن ووش راح يصير مع أمام المسجد ووش ناوين عليه هو وظاهر .. ووش دخلني أنا في هالسوالف كلها ..؟ وليش أقحمت نفسي فيها من الأساس ..؟ وقطع تفكيري رنة الهزاز اللي في جيبي ..شفت لا وأنه أتصال من أم عبدالرحمن ..

رديت
هلا والله
قالت : مرحبا أخوي علي ..
قلت : هاه طمنيني وش صار مع عبدالرحمن ..
قالت : شوف أحد يجي يوديه المستشفى جالس يبكي من يده وظاهر ضربه وطلع الخبر وقال خليه يموت بين يديك وتقولها وهي تبكي ..
قلت : خلاص خلاص لاتبكين دقائق وأشوف سيارة بس خليه يخرج لي وأنا بأخذ تكسي وبجيكم وبدق لك نغمه وخليه يطلع لي (هي خاربه خاريه)
قالت : الله لا يرحمه منك والله يجازيك خير حنا في أنتظرك مع السلامه وقفلت وهي تبكي ..


عاد أخذت شماغي وعقالي ونزلت وأتصلت على واحد صاحب تاكسي أعرفه وأنتظرته حتى جاء ورحنا إلآ بيت أم عبدالرحمن ..ونغمت لأم عبدالرحمن ونزل لي .. وأخذته وركبته في السيارة ومد لي بـ300 ريال وورقة بيضاء معها وقال لي : تقول أمي هذي حقت المستشفى ..قلت : لا بنروح المستشفى العام ..قال : لا تقول أمي ودني مستشفى المنار ..قلت : يالله المنار المنار .. وفي نفسي أبي أفتح الورقة ..! وأعرف وش فيها..! وعبدالرحمن أنسدح في الخلف ورفع رجوله على المراتب الخلفيه حتى نصل .. وأنا أسأل نفسي أفتح الورقة ..؟ ولا ما أفتحها ..؟ وأبي أعرف وش فيها ولكن قلت بعدين شبعنا من الرسائل ما وصلنا لهالحاله إلآ هالرسائل ..ورحنا المستشفى ووصلنا وطلبت عربية وجابتها الممرضه ونزل عبدالرحمن ورحت الأستقبال أنا وهو وأنتظرنا صاحب التاكسي خااارج المستشفى ..سألت الممرضات اللي في الأستقبال وقلت نبي طبيب عظام ..قالت : أفتح ملف بثلاثين ريال والكشف بخمسين ريال ..قاطعها عبدالرحمن وقال لي : علي علي ..قلت : هاه حبيبي .. قال : الورقة اللي عطيتك إياها فيها رقم الملف ( ههههههههه وأنا أحسبها رسالة من ام عبدالرحمن ) طلعتها وأنا مبتسم على حالي .. وأخذت الورقة وحصلت الرقم وعطيته الممرضه ودخل عبدالرحمن وسووا له إشاعات..! وشخصوا حالته ..! وأتضح أن عنده إلتواء في مفصل اليد عشان طاح عليها ..! وبدأت الممرضة تحط على يده موية حاااره وهو يتوجع ولفها الدكتور وأعطاه أبرة تخفف الألم وكتب لنا وصفة العلاج وطلعنا الصيدليه وأخذنا العلاج وأتجهنا للبيت وطولنا وما راجعنا أنا وعبدالرحمن إلآ قبل إقامة صلاة العشاء وقف التاكسي عند بيته ونزلت عبد الرحمن من السيارة ودقيت على أمه جوال وقلت لها : أفتحي حنا عند الباب ..وفتحت وعاد قالت لي من ورى الباب : شكراً أخوي علي والله يكثر من أمثالك وأعطيت عبدالرحمن الورقة والباقي من الـ300 واللي كان 4 ريال بس ..وقلت : تامروني على خدمه ولا شيء ..قالت : مشكور ياخوي .. والمشكلة الكبيرة أن كل اللي حدث اللحين كان يناظرنا أمام المسجد قبل ما يدخل المسجد ..قلت في نفسي (هذا بيبلشنا بيروح يقول لظاهر ولا شيء ) الله يكون في العون ويستر بس ..


اليوم الأحد صباحاً :


وكالعادة مستيقضاً من نومي غاسلاً وجهي مؤدياً لفرضي ولابساً ثوبي وخارجاً من بيتي ..


حصلت أبو نورة عند البوفية يطلب طلب وصارخ مع العم حجاب المصري ..ورحت البوفية وفكيت بينهم وقلت : وش فيكم .. قال حجاب : الباشا بدو يفطر من غير حساب .. قلت أستهدي بالله يا عمو .. وما عليك حساب أبو نورة عندي .. قال : لا تحاسب عني ماني محتاج لك .قلت : يارجال الناس لناس والكل بالله وأنا أخوك .. عاد رضي وطلعت أنا وياه ومشينا شوي حول البوفية .. وسألني : ليه أنت حاسبت ..قلت : يا أخي ما فيها شيء بكرة أذا ما كان عندي فلوس حاسب عني .. قال : لا يا أخوي بس الناس ما سبق أحد منهم حاسب عني ..ويتهموني بأني أخرب الناس وأفسدهم ..قلت : زيي ..قال : ليه أنت لك في الخراب ..قلت : لا تفضح نفسك أنا يتهموني بأني أخرب الورعان بمقاطع إباحية .. قال : لا والله عندك مقاطع أرسلي ..! قلت : الله يرجك ياشيخ .. المشكلة أننا نصدق على طول يعني أنت صدقت على طول أني عندي أفلام إباحية.. قال : لا يا بو الشباب لكن أنت تقول .. قلت : طيب الناس يقولون مو أنا وأنت الناس يقولون عنك أنك راعي خراب ليش ما تغير سمعتك . قال : يارجال حتى عداد الكهرباء قطعوه عني وما في أحد سدد الكهرباء .. قلت : طيب ما عندك فلوس .. قال : في فلوس بس ما فيها بركه ما أدري وين تروح .. قلت : طيب يا أخوي أنت ما تجيب الفلوس من تعبك ..أنت تأخذها من الحرام وهذا خطأ وأنا أخوك ..قال : وش نسوي طيب خلها على ربك مافي وظائف ولا في مكان واحد يتنفس فيه هوى حتى .. قلت : يارجال ليه أنا ما أقول هالكلام .. قال : أنت عندك أخوان أشوفهم كل يوم عندك بس أنا ما عندي أحد ما غير أنا والجدران والقطاوة .. قلت : بس عندك قلب وعقل لازم تفكر وتنتبه على نفسك .. قال : طيب أنت اللي بلغت عني .. قلت : وش هالأمبراشة الغريبه وين طالع بنا أنت .. قال : أدري أنك أنت لأنك الوحيد اللي شافني وأنا أدري أنك ما تلام على بالك أن معي خراب والله كان عندي رز للقطاوة .. قلت : يارجال مو أنا بس يتخيل لك.. قال : والله ما يتخيل لي لأني سألت وقالوا أنك أنت اللي أسمك علي القرني في الحارة .. قلت : طيب أنا .. وآسف بس صدقني فكرت معك خراب .. قال : عااادي عااادي مو أول مرة يمسكوني الشرطه ولا المخدرات والمباحث .. قلت : يا رجال تعلم من أخطائك وتب لله وأرجع وعش حياتك طبيعيه .. قال : اللآ الغداء معنى اليوم .. قلت : وين بتعزمني اللحين الصباح (شكلك فاصل).. قال : عندي فالبيت والله أرتحت لك .. قلت : أم هالذي قويه أرتحت لي وفالبيت ناوي تبلغ وتوهقني .. ضحك وقال : ليه على بالك أني قرني .. عاااد أستأذن وراح .. وقال : أجل يالله الله يوفقك ولنا لقاء ثاني .. بيني وبين خاطري (أووونك بتبطي ياصديقي ) ..


كان يوم عملي طبيعياً ولم يكن هناك إي شيء جديد خاااصة وأن المدير ليس متواجد ..


أنتهى يوم عملي وأتجهت للبيت وذهبت بعدها للصلاة وبعد الصلاة كانت النظرات ترقبني .. الإمام يشير لي وهو يخبر المؤذن وكأنه يقول (هذا هو اللي أفسد الحارة والعيال ) أكملت أذاكري بعد صلاتي وخرجت من المسجد لم أجد أحد لا خليل اللي جواله مع أبو سعد ولا عبدالرحمن ولا محمد قاسم ولا إي أحد .. ذهبت للبيت وبعدها للمدرسة وفي حصة الحاسب جائتني رسالة وأدخلت يدي في جيبي فطالبني الأستاذ بأن أنتبه للدرس ..

وبعد أن أنهى الشرح وجلس فتحت الرسالة وكانت من أم عبدالرحمن تقول فيها : (( أخي الفاضل علي : ظاهر طلقني ..طلقني ياعلي ولا تفكر أخي أني أرسلت لك هالكلام عشان أعاتبك ولا أحط اللوم عليك لا والله .. أنت وقفت معي وماقصرت وما أقول إلآ الله يجزيك عنا خير الجزاء أنا وعبدالرحمن .. وأنا وعبدالرحمن بنروح لرياض عند ابوي وأمي وخلاص ماراح نكون في بقيق كلها أيام وننقل العفش ونروح وأخوي بيجي بكرة ولا بعده وبيأخذني أنا وعبدالرحمن .. وآسفه أذا تسببت في أذى لك مني أو من عبدالرحمن .. وارجو الله أن يكتب لك الأجر .. أختك منيرة ))

سكرت الرسالة ورجعت للبيت بعد المدرسة وكتبت هالرسالة لأم عبدالرحمن وهي آخر رسالة بيني وبينها (( أولاً أختي أم عبدالرحمن لا أدري ما أقول ففي قلبي شيئان أحدهم يحمل الفرح والآخر الحزن ..
أما الحزن : فهو على حالك وحال عبدالرحمن ولكن مادام بتسافروا لرياض فالله يوفقك وأسأل الله لكم حياة سعيدة وشفاء عاااجل يااارب ..

أما المفرح : فأبتعاد عبدالرحمن عن ظاهر وعذابه وأسأل الله أن ينتقم لكم منه ..

أما أنا يا أختي : فليس بيدي سوا الدعاء لكما والله أن فراق عبدالرحمن لصعب لكن الله يشفيه ويوفقه في دراسته ويرفع رأسك..

والله ييسر أمركم ياااارب .. أخوك علي ..))



يوم الأثنين الصباح :


خرجت كالعادة وجد عبدالرحمن لابس رياضة ويده معصوبه من أثر ما جاه أول أمس وكان حزيناً مكبلاً بالهموم كما أتضح لي على محياه .. كنت أعلم عن أمه وطلاقها وكنت أعلم بأن حزنه من هذا الشيء..فأقبلت له وجائني ووقف بجانبي وستندنا على الجدار ..قلت : صباح الخير عبدالرحمن وش فيك .. قال : أمي .. قلت وش فيها حبيبي .. قال : أمس .....!

ننتقل بالحوار إلى بيت ظاهر على لسان عبدالرحمن ..

دخل عمي ظاهر البيت وقال لأمي تعالي أبيك .. ودخلوا غرفة النوم وأنا وقفت عند الباب وأسمع لهم ..قال عمي ظاهر : خلاص يا أم عبدالرحمن حياتنا ما نقدر نكملها مع بعض .. قالت : ليش .. قال : خلاص أـنتي كسرتي كلمتي أكثر من مرة والرجال ها ذاك خرب حياتنا وهي في الأساس خاربه والامام حق المسجد اليوم اتصل علي وقال لي أن أمس وصل لحد بيتنا يعني لو كان دخل كان ذبحتك.. وعندي كلمة أبي أقولها وكلي ثقه انها هي الحل .. قالت : ظاهر لا تستعجل وتخرب حياتي وحياة ولدي من لنا غيرك بعد الله ..أخواني وأخواتي وأمي وأبوي ما بيستقبلوني تكفى يا ظاهر لاتفكر فيها هالشيء.. قال : أم عبدالرحمن أنتي طالق طالق طالق .. جلست أم عبدالرحمن على السرير وبكت وفتح عمي ظاهر الباب وخرج من عندي ودفني على زاوية الباب وقال لي سلامات وطلع من البيت ..


آآآآآآآآآه ياعبدالرحمن وش هالمصيبة والله يعينك ويعين أمك ياعبدالرحمن ..قال : طيب علي أنت السبب .. قلت : إيه أنا السبب ياعبدالرحمن ..أنا اللي تدخلت في شيء مالي دخل فيه وخربت حياة أمرأة مالها ذنب في شيء وللي فيها مكفيها ..قال : طيب أنت ساعدني ووديتني المستشفى وخاصمت عمي وضاربته عشاني أنت مو السبب ياعلي أنت صديقي.. قلت : إيه عبدالرحمن أنا مو السبب لكن الله أراد أن أكون السبب بالنسبه لعمك ظاهر .. قال : علي أنا وأمي بنروح الرياض وممكن ما عاد نرجع وماعاد أشوفك..بنروح عند جدي وجدتي وممكن ما عاد نرجع بقيق .. جلست ومسكت بأكتاف عبدالرحمن وقلت له .. (لا أوصيك على نفسك وأنا أخوك وشد حيلك وتذكر أنك وحيد أمك وأنت شاطر وراح تصير متفوق حتى لو نقلتم لرياض.. بتنقل ملفك وراح تكمل دراستك هناك ولا تخاف يا عبدالرحمن وفي إي وقت تبغاني راح تحصلني بجنبك وأتصل علي في إي وقت.. عبدالرحمن أنت علمتني أشياء كثيرة وأنت ما تدري ..علمتني كم من مشاكل في البيوت بسبب الزواج بعد وفاة الزوج وما أحد يدري عنها..علمتني كم هي الحياة صعبه وأنت تعلم بأنك سبب في حرقة دم غيرك .. علمتني يا عبدالرحمن كيف أني لا أستعجل بحكمي على من لا أعرف .. علمتني أشياء كثيرة يا عبدالرحمن راح أقولها لك في الجزء التاسع والأخير ..


عبدالرحمن أنا أحبك يا معلمي ..



اتصال :

أنا : ألووووو هلا مين ..
المتصل : نعم أنت علي القرني
أنا : نعم تفضل ياخوي ..
المتصل : لا بس عليك بلاغ ونبيك تجينا الشرطة اليوم ضروري معك الرقيب عواد الجهني ..




من على غصن التوت ..



hgtvhr (hg[.x hgehlk lk rwm Hsj,rtjkd idzji ) hg[sl




غصن التوت غير متواجد حالياً   رد مع اقتباس
قديم 04-05-2010, 12:37 PM   #2
 
الصورة الرمزية اهلاوي مووت
 

اهلاوي مووت مستهل الاصل ورائعاهلاوي مووت مستهل الاصل ورائعاهلاوي مووت مستهل الاصل ورائعاهلاوي مووت مستهل الاصل ورائعاهلاوي مووت مستهل الاصل ورائعاهلاوي مووت مستهل الاصل ورائعاهلاوي مووت مستهل الاصل ورائع
افتراضي

الله يعينك . اشكرك لأنك سليتني وانا مستلم .
بأنتظار الجزاء الاخير
Posted via Mobile Device



اهلاوي مووت غير متواجد حالياً   رد مع اقتباس
قديم 04-05-2010, 01:41 PM   #3
مشرف منتدى القلم الخاص سابقا
 
الصورة الرمزية غصن التوت
 

غصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهر
افتراضي

اقتباس:
المشاركة الأصلية كتبت بواسطة اهلاوي مووت مشاهدة المشاركة
الله يعينك . اشكرك لأنك سليتني وانا مستلم .
بأنتظار الجزاء الاخير
posted via mobile device

هلا بالغالي سعيد

اهلاوي موت

أشكرك على مرورك

وزد مشاركتي شرفاً



غصن التوت غير متواجد حالياً   رد مع اقتباس
قديم 04-05-2010, 02:07 PM   #4
 
الصورة الرمزية بنت الجنوب
افتراضي

الله يكفينا شر الدنيا محد يأمن فيها
وبنشتاق والله لعبد الرحمن لكن الله يوفقه ويسعده ويشفيه هوه وامه

شكرا لك



بنت الجنوب غير متواجد حالياً   رد مع اقتباس
قديم 04-05-2010, 04:30 PM   #5
 
الصورة الرمزية شذى الجنوب
 

شذى الجنوب مذهل  وصاحب ذوقشذى الجنوب مذهل  وصاحب ذوقشذى الجنوب مذهل  وصاحب ذوق
افتراضي

سبحان الله هذا حال الدنيا
وعسى أن تكرهوا شيئاً وهو خير لكم
ونشكر لك أخي غصن التوت على هذه القصه التي حوت الكثير والكثير
ونحن بإنتظاااار الجزء الأخير



شذى الجنوب غير متواجد حالياً   رد مع اقتباس
قديم 04-05-2010, 04:53 PM   #6
 
الصورة الرمزية محمــــد
 

محمــــد أصبح جوهري وانيقمحمــــد أصبح جوهري وانيقمحمــــد أصبح جوهري وانيق
افتراضي

والله يا علي راح نفتقد قصتك بعد جزاءها الأخـــــــير لكن لابد من الفراق

واسأل العلي القدير أن يوفق عبدالرحمن وأمه في حياتهم الجديده

والله ينتقم من الســــــــيد ظاهر


أما إمام المســـــــجد كان ينبغي أن يتحرى الدقه والمصداقيه وإلا علشان ظاهر خويه وعلى نفس النهج


همــســــــــــــــه : باب ما يجيك منه ريح ســـــــــده واستريـــــــح



محمــــد غير متواجد حالياً   رد مع اقتباس
قديم 04-05-2010, 06:39 PM   #7
 
الصورة الرمزية برنسيسة الوادي
 

برنسيسة الوادي مجيد و منارة للضوءبرنسيسة الوادي مجيد و منارة للضوءبرنسيسة الوادي مجيد و منارة للضوءبرنسيسة الوادي مجيد و منارة للضوءبرنسيسة الوادي مجيد و منارة للضوءبرنسيسة الوادي مجيد و منارة للضوء
افتراضي

بنشتاااق لعبدالرحمن وقصته أسأل الله أن يشفيه ...ويكتب أجرك على مابذلته
وننتظر الجزء الأخيــــــر



برنسيسة الوادي غير متواجد حالياً   رد مع اقتباس
قديم 04-05-2010, 09:27 PM   #8
مشرف منتدى القلم الخاص سابقا
 
الصورة الرمزية غصن التوت
 

غصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهرغصن التوت له مستقبل باهر
افتراضي

اقتباس:
المشاركة الأصلية كتبت بواسطة بنت الجنوب مشاهدة المشاركة
الله يكفينا شر الدنيا محد يأمن فيها
وبنشتاق والله لعبد الرحمن لكن الله يوفقه ويسعده ويشفيه هوه وامه

شكرا لك
أختي بنت الجنوب : نحن كذالك سنشتااااق لعبدالرحمن ونسأل الله له الشفاء العاجل وأن يوفقه ..
أشكر مرورك أختي الكريمه

ونلتقى في قصة أخرى



غصن التوت غير متواجد حالياً   رد مع اقتباس

إضافة رد





الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أما أكون أو لا أكون (الجزء السادس من أستوقفتني 6) غصن التوت منتدى القلم الخاص 25 03-29-2010 08:02 AM
أستوقفتني هيئته فعرفته ..! غصن التوت منتدى القلم الخاص 10 03-28-2010 08:57 PM
رسالة أم عبدالرحمن (الجزء الرابع من قصة أستوقفتني) غصن التوت منتدى القلم الخاص 32 03-27-2010 09:37 AM
فمفاجأة مدوية ( أستكمال لقصة أستوقفتني هيئته فعرفته 3) غصن التوت منتدى القلم الخاص 23 03-27-2010 02:19 AM
دوري زين السعودي 2009-2010 الأسبوع الثامن [الهلال Vs الحزم] محمــــد منتدى الاستاذ/دخيل مسفر(رحمه الله) الرياضي 0 11-02-2009 11:14 PM

Rss  Rss 2.0  Html  Xml  Sitemap  دليل المنتديات


الساعة الآن 02:23 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75