منتديات بني بحير بلقرن - إذا المراجل لبسة شماغ وعقال قل للعذارى يلبسنّ العمايم

إذا المراجل لبسة شماغ وعقال قل للعذارى يلبسنّ العمايم

ما عاد يفرق زول حرمه ورجـــــال دام الفعايل تشبه البعض دايم

المرجله ما هيب كلمه وتنقــــال وتروح ما راحت هبوب النسايم

وإلا خشونة صوت أو رفع الأثقـال أو رزة صـــدور وفــعـــل الزلايــم

ولا هي بعد مفتاح موتر وجــوال وإلا ردى لسانن حديثه شتايم

المرجله شيمه عن القيل والقال رفيع نفس (ن) حر بالجو حايم

المرجله عقــلٍ وزن وزنــه جــبال ودون العقل وش فرقنا والبهايم

يا مسندي لو مايل الوقت بي مال يا ولــد أبويه يا عظيم العزايــم

يا معرب الجدين من العم والخال يا نخوة المفزوع وقت الهزايـم

المرجله يا خوي هي طولة البال هي العزم هي الصبر فالظلايم

فيها الكـــرم عزه دلـــه وفنجــال فيها الكرامه عن ردى الطبع شايم

والدين لامنه خذا القلب منــزال مشى طريق الحق وابليس نايم

ومن لا عرف ربه في طيب الحال لابد وقت الضيق بالهم هايـــــــم

حتى صلاتك مع جماعات ورجال في خيرها يا خوي نعم الغنايم

ولامن نصف ليلك قم صفي البال ولا من رفع ربي له كل الأعمال

حسن الذكر لا قالو فلان صايم وخلك شريف القصد يا طيب الفال

سوء المقاصد فالبيوت الهدايم واحذر تبيع النفس في دب الأنذال

وتتبع خوي إبليس راع النمايم النفس خيل لـــك إذا كنت خيّـــال

ومن لا قوى نفسه قوته الهزايم ولا صرت ما تدري لو يش أنت رجال

والله خسارة فيك ذبح التمايم..