التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا | شيلة مهداه لرجل الأعمال ونائب آل جروين " معيض علي القرني" من كلمات وأداء الشاعر "حازم البحيري" بقلم : علي بن قحمان القرني | الرهيب |
« آخـــر الـــمـــشـــاركــــات » |
مطبخ حواء صحة الإنسان تبدأ من طعامه ، أطباق مميزة ، مكسرات ، حلويات ، |
الإهداءات |
| LinkBack | أدوات الموضوع |
03-03-2012, 12:29 AM | #17 |
| رد: إبدآآعات بحيريه في الرحلات البرية بقولكم عن الطبخ السعودي للكشتات والطلعات البرية اللي مين يعرفه مستحيل ينساه واكيد هيطلبه كل مرة ومع ان فيه طرق تنعمل في البيت وفي الفرن..وفي القدر..لكن مندي الطلعات البرية غييرررررررررررر اترككم مع الشرح من الشباب اللي راحو للبر وعملو المندي ((شوفو الطريقة منهم)) .................................. اشترينا ذبيحة وحرصنا تكون سمينة حتى تكفي الجميع وخرجنا إلى سدرة تعودنا الجلوس تحتها في أحد الأودية القريبة وهذه صورة مقربة للظل الوارف تحت السدرة وبعد الوصول بدأنا في خطوات الحنيذ حيث جمعنا الحطب كحزمة مرصوصة ووضعنا بين عيدان الحطب مجموعة من أحجار المرو الأبيض كما في الصورة وبعد أن تحول الحطب إلى جمر قمنا بإزالة العيدان التي لا زالت تلتهب لأن بقاءها يتسبب في تصاعد الدخان منها مما يؤدي لتشبع اللحم بثاني اكسيد الكربون السام ثم قمنا بصف الحجارة وأظهرنا ما كان منها مغطى بالجمر حتى أصبحت كما بالصورة (وكلما تكسرت الحجارة أثنا تحريكك لها فهذا يعني أنها اكتسبت الحرارة الكافية لانضاج اللحم ) ثم قمنا بوضع أغصان من شجر الأراك على الحجارة الساخنة حتى تكون مانعة لالتصاق اللحم بالحجارة حتى لا يحترق (وهذه صورة من ارشيفي لحنيذ سابق ) ثم وضعنا الطبقة الاولى من اللحم القوي كالأرجل والرقبة ثم غطيناه بأغصان من الأراك ووضعنا عجين الدقيق والبر حول اللحم مع الحرص على عدم التلاصق ثم غطينا بأغصان الأراك ووضعنا الطبقة الثانية من اللحم ثم غطينا بأغصان الأراك كما في الصورة التالية ثم غطينا بالقصدير ( ويمكن الاستغناء عن القصدير بالطربال) ولأننا لاحظنا خروج بعض البخار من بين طبقات القصدير فوضعنا سفرة طعام لكتمه وغطينا أسفل القصدير بالرمل ثم أخذت جولة في الوادي حتى ينضج اللحم (والذي يحتاج من ساعة ونصف إلى ساعتين حسب عمر الذبيحة وحرارة الحجارة ) وهذا شجر السيال ويلاحظ كبر حجمه مما يدل على وفرة المياه الجوفية في الوادي والآن انقضت الساعتين وجينا لاستخراج الحنيذ والخبز ومن الصورة التالية ستلاحظون ان الحنيذ الجنوبي شيء ثاني وبالنسبة للنقط البيضاء على اللحم فهذه حبوب ملح غيرمطحون ورغم الكثرة الواضحة في الصورة إلا انه يذوب في اللحم حتى يدخل في العظم بشرط أن نرشه لحظة اخراج اللحم مباشرة ملاحظة يمكن الاستغناء عن أغصان الأراك بالمرخ أوالبشام أو الشقب أو سعف النخل ويمكن إضافة العسل والطحينة إلى هذه الوجبة |
03-03-2012, 12:41 AM | #18 |
| رد: إبدآآعات بحيريه في الرحلات البرية قرص باللحم تم تزبيط هذه الاكله العام في الصمان وكان الدعوه جميد وصدق نحس بالدفا عقب الاكل الدسم المقادير / لحم حسب الاشخاص + بهارات وتوابل + ملح + دقيق بر + ماء + زيت الطريقة / اول شي نعجن البر ونحط الكميه اللي تناسبنا ونزيد المويه كل شوي حتى تثخن العجينة ولامانع من وضع شوي من الخميره ان حصلت بعد الانتهاء من العجن والامور طيبه نحطها في مكان ونغطيها ونتركها تاخذ راحتها و تتخمر طبعا يفضل ان تعجن قبل الاكل بحوالي 3 ساعات فاكثر وكلما طولت اكثر زبطت يوم جاء الليل زانت شبه النار وبدينا نزيد الحطب لاننا نبغى الجمر وهذي صورة النار اللي يشوفنا من بعيد يقول ذولي هنود حمر من الشعله بعد كذا نجيب العجينه ونفردها بالقصدير وهنا لي شرح بسيط وهو ان فيه اشخاص يحطونها على النار مباشره وهو مايسمى المله بحيث تدفن في النار مع الجمر والرماد وتحط فوقها التراب وانتوا بكرامه وهذا الطريقة ما جازت لي عجزت اهضمها وفيه ناس يحطون العجينه على المقرصه الحديد وهذي الطريقه رائعه والافضل بعد وضع شوي زيت على المقرصه لان القصدير كانت تجربه واعتبرها فاشله لان العجينه تحوسك الا منها نشفت وتلزق بالقصدير رغم وضع الزيت لكن ما ضبطت وهذي صورة فرد العجينه على القصدير بعدها سكرنا القصدير من كل الجهات وحطيناه فوق الجمر وحطينا جميرات فوقه بعد كذا نحط البصل والطماط في القدر ونكشن الامور وبعدها نحط اللحم ونخليه يطبخ معه وحنا زبطنا التكشين في الكاتم اسرع واريح بعدها نضيف البهار والملح نزيد المويه لاننا همنا المرقه , ونسكر القدر او الكاتم ونخليه يطبخ الى ان يستوي اللحم وهذا عاد على حسب اللحمة لان اخبر ناس طبخوا لهم لحم بربري وجلسوا ثلاث ساعات واللحم ما صار ولا نص استوا قال واحد منهم : يالربع الظاهر لو اننا طابخين بسطار كان قد استوا نرجع لقصديرنا وبيكون على وشك ينتهي وتقريبا يبيله حول ساعة الا ربع حتى تضمن ان حتى اللي العجين اللي داخل جهز بعدها ناخذ القرص ونفتته داخل قدر ثاني زي هالصورة بعدين نروح لقدرنا ونشوف اللحم اذا هو استوى نجيبه وها صورة الكاتم او ما فتحناه وتم التجربه على لحمه للتاكد وبعدين ناخذ قدر اللحم و نصب على دفعات من المرقه داخل القدر اللي فيه القرص , وندق القرص المفتت بمقلعه كبيره عندنا او معصاد كانه موجود ونخليه يتشرب المرقه ويصير رابص وكل شوي نزيد المرقه لين نحس ان القرص تشبع وصار اقرب ماله قرصان او مرقوق بعد كذا ناخذ القرص اللي صار رابص من المرق ونحطه على السفره ونحط اللحم بالنص زي هالصورة وبالهنا والعافيه |
03-03-2012, 12:58 AM | #20 |
| رد: إبدآآعات بحيريه في الرحلات البرية المقادير / دجاج او لحم حسب الاشخاص بصل وطماط بهارات وتوابل (كركم + كمون + ماجي .. الخ ) + ملح + ماء زيت + رز حسب الاشخاص الطريقة / كل شخص له طريقته في تزبيط دجاج او لحم المندي فيعضهم ما يحط فيها الا الملح وبعضهم يسوي له تتبيله وانا منهم فسويت التتبيله بالبيت وطريقتها احط لي قدر واصب فيه الزيت ثم احمس البصل لين يبدا يتحمر بعد كذا احط الطماط والصلصة والبهارات والملح و اللي تبي من المنكهات وان بغيت فلفل حط ( الصرار ) واخليهم على النار لين تصير التتبيله سميكة شوي والبهار تفوح ريحته بعد كذا جبت الدجاج وحطيته في الحافظة حتى اصب عليه الخلطه وانا حطيته بحافظه عشاني بطلع فيه الاستراحه ولا تقدر تحط الدجاج في قدر او صينيه وتبهره وهذي صورة الدجاج بعد التتبيل بعدها طلعت الاستراحه حتى اكمل الجزء الثاني من الطبخ وفيه متطلبات لازم تكون موجوده وهي قدر للرز وقدر كبير حق ذبيحه او اصغر شوي وفحم و مركابه للقدر واهم شي صحن معدن ويكون مخرق وان كان فيه شبك حديد على قد القدر يمشي الحال وهذي صوره المطلوبات بعد كذا نشب الفحم ثم نبدا مشوار الهف على الجمر لين يشعلل ويصير مثل كذا بعدها نجيب القدر الصغير ونحطه فوق المركابه على النار ونحط البصل وحبات من الثوم حسب الرغبه ونبدا نحمس حتى يتحمر البصل بعدها نحط الطماط ونزبط الامور بعدها نزيد الكشنه مويه ونحط اللومي والبهار والملح ثم نضيف الرز بعد ما نغسله وتكون المويه اعلى من الرز بشوي بحيث ان الملعق لو تحط بالطول ما تطيح وان بغيت عاد يكون الرز ممرس شوي زد المويه مثل الصورة بعد كذا نجيب الصحن المعدن اللي مخرقه وبوسطه الدجاج ونحطه فوق القدر اللي فيه الرز على طول مثل هالصورة ثم بعد كذا نجيب القدر الكبير ونحطه فوق الدجاج وقدر الرز بحيث يكتمه ويصير زي البرميل حق المندي بس بالعكس زي كذا طبعا نحط على الجوانب تراب وانتوا بكرامه حتى ما يكون فيه تسرب للحرارة وننتظر تقريبا ساعة الا ربع الى ساعه واللحم ينتظر له ساعه ونص الى ساعتين حسب النار وقوتها الله يحرم هالوجيه عنهاا بعد ذلك نشيل القدر الكبير وننتبه للتراب وانتوا بكرامه بحيث يتم التنظيف جيدا منه قبل رفع القدر حتى ما تخرب الدعوه وبيكون شكل الدجاج كذا واما الرز بيكون كذا وهذي صورة الطبخة قبل الهجوم وبالهناء والعافية |
03-03-2012, 12:16 PM | #21 |
مستشار موقع بني بحير بلقرن | رد: إبدآآعات بحيريه في الرحلات البرية فيني جوع لدرجة ان ودي آكل الكمبيوتر |
03-04-2012, 10:41 PM | #22 |
| رد: إبدآآعات بحيريه في الرحلات البرية طباخ اليوم شاعر حط المقادير والطريقة في قصيدته بعض الكلمات صعبة لكن الصور توضح المعنى ياللي تريد بروست بالزيت ما ذاب خفيف وكايف وافي الطعم مرغوب حتى البطاطس كنه البر مصباب ما جاه من نوع القلي زيت مشبوب واصل معي بالوصف ما فيه الاتعاب تذوق مما طاب والبن مسكوب صينيه وكشنة بصل حمسها راب معها البطاطس طازج اليوم مجلوب ودجاجن مقطع على كف قصاب وافيد لك مبرد وكلن على صوب نذرا عليها الثوم والملح باحساب بالمايونيز تصير كالكف مخضوب وانجيب كورن فلكس منتوج الاجناب واندقه بنجرن كما الطرق بالهوب لما يكون جراش يشدي له تراب من شان يقرمش كنه تشيبس باعلوب تقصر عليه النار من غير شلهاب واليا استوا تحمس علاويه باشبوب لذيذ بالمفرود للمبتغي طاب والكاتشب وحمص على الذوق مطلوب وعليك بالكولا على الريق ينساب اسود تقول انه من الحبر محلوب : ولا تنسى جرجير وجزر بيع جلاب والخس واخيار وبصل تركي مشذوب واعزم عليه الجار والضيف واصحاب : والجايع المسكين فالفعل مندوب والبسمله باسم الولي رب الارباب واليمنى تطوي كمها باطرف الثوب والحمد للرزاق صراف الاسباب بارادته غالب والانسان مغلوب وسلامتكم الشيف والشاعر يوسف الخليفة:: التعديل الأخير تم بواسطة شذى الجنوب ; 03-04-2012 الساعة 10:46 PM. |
03-04-2012, 10:59 PM | #23 |
| رد: إبدآآعات بحيريه في الرحلات البرية أول شيء نفرد القصدير بعد ما نطويه 3 طبقات ونقوم ونقطع الخضار كلها مع بعض البصل والثوم والكوسة والجزر والبامية والبطاطس والفاصوليا ثم نضع اللحم على الخضار ونرصهم زين ونرش البهار على اللحم فلفل أسود وكمون وملح وكزبره ناشفه ووإللي يحب يضيف شيء ثاني مايخالف المهم النكهة الحين نغطي المحتوي بثلاث طقات من القصدير ونلفهم ونغلقهم بإحكام وطبعاً قد شبينا الجمر من قبل والحين نجهز المحتوى ونقوم نحط الجمر من فوق القصدير ومن أجنابة بعد مرور ربع ساعة ينتفخ القصدير ويحدث تنسيم وهذا طبيعي عد 45 دقيقة ملاحظة تحتاج خمس دقايق علشان تطلع القصدير وتنظفة عملية قيصرية لفتح القصدير بس حاسبوا البخار حار وأخليكم الحين مع باقي الصور وبسم الله وبالهناء والعافية |
الذين يشاهدون محتوى الموضوع الآن : 1 ( الأعضاء 0 والزوار 1) | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
نواعـــــــــــــــــــــــــــــــــــــــــ ـــــــــــــــــــــــــــــــم بحيريه | الياسمينه | ملتقى بن بحير بلقرن الخاص | 9 | 07-14-2010 03:44 AM |
كن كما شأت أو لا تكون ..!! ( فلسفه بحيريه) | طير السعد | منتدى القلم الخاص | 10 | 02-28-2010 12:40 AM |
طرق بدائيه لأهل الرحلات | F15 | منتدى الصيد والرحلات | 7 | 02-02-2010 01:19 AM |
الاداب الشرعيةفي الرحلات البرية | البرق الكاشف | المواضيع الاسلامية | 4 | 01-05-2009 12:03 AM |
Rss Rss 2.0 Html Xml Sitemap دليل المنتديات