قصة ابو عبدالله مع التقاعد
 

طلع أبو عبد الله علي المعاش وبقي تواجده في البيت دايما وقت طويل
وكعادة جميع المتقاعدين كترت انتقاداته لأم عبد الله في شئون البيت،
وكتر صراخه مرة بيقول طفوا النور ومرة اقفلوا المية…
وليه مش بتغسلوا كل يوم و تمسحوا السلم كتير..
ولبه .. وليه..
الجميع في البيت بقوا يلعنوا الساعة اللي قعد فيها ابو عبدالله معاش وخاصة أم عبدالله .
أخيراً إنتبه أن الكل متضايق منه
فقرر أن يلاقي طريقة يقلل فيها من تواجده في البيت
بقي ينزل يمشي في الجناين وفي المولات وهو مهموم .
بالصدفه قابل زميلته التي كانت معاه في الشغل زمان
سألته عن حاله فا قالها بالتفصيل

قالتله: تعالي نحط حالك على حالي أنا لوحدى في البيت وجوزي مات من زمان.

أبو عبدالله ما كدب خبر راح معاها علي بيتها واتجوزها على سنة الله ورسوله
و تاني يوم الصبح رجع البيت
سألته أم عبد الله : خير كنت فين مبارح؟
قالها : اتوظفت .
فرحت ام عبد الله لانها عايزة تخلص منه ومن زنه ونكده وقالتله :
والله خير ما فعلت انت لسة شباب
والناس مش مصدقه إنك علي المعاش اصلا.
وبعدين المعاش مش مقياس للكبر
وإذا اشتغلت هاتكون شغلت نفسك بشي يفيدك وينفعنا معاك
و زى ما بيقول المثل بالحركة بركة يا أبو عبد الله … وايه بقي الشغل اللي اشتغلته؟
قالها : حارس أمن ليلي في بيت مدير المخابرات

قالت له : ما شاء الله انشاء الله مبروك عليك الوظيفة دى
و الله يقويك ويعافيك ويرزقك منها بالخير الكثير .
والله خير مافعلتت يا ابو عبد الله…
المهم ابو عبد الله ما بقاش يرجع عند أم عبد الله إلا الصبح منهك وتعبان من وظيفته الجديدة
و أم عبد الله كل يوم الصبح أول ما يجي تجهزله الفطار
وبعد الفطار تقول له : باين عليك تعبان قوم نام وريح جسمك وأنا بصحيك الظهر عشان تصلي واكون جهزتلك الغداء عشان تروح مرتاح وحيلك قوي

وأحيانا كان بيفطر ويروح عند مراته الجديدة ..
ويقول : أنا النهاردة مستلم عن زميلي من الصبح لأنه المسكين عنده ظروف مع عياله مش بيقدر يروح الشغل....
و ترد عليه ام عبد الله : يا أبو عبد الله عز الله من يومك شهم وسباق للمعروف والخير الله يقويك ، انت ( قدها وقدود ) الله يجعلها في ميزان حسناتك ...
وتودعه بمثل ما أستقبلته به من حفاوة وتكريم .
وبكدة رجعت لأبو عبد الله هيبته وأحترامه وشغل وقته بشيء مفيد للوطن .
ورجع لعيلته الهدوءة والسكينة .

أرجو ممن يعاني وضع زى أبو عبد الله أن يستفيد من التجربة وأجرنا على الله !!!

والشاطر اللي بيتعظ من تجربه غيره
😂😂😂

القصة من خيال المؤلف و لا تمس الواقع بشيء و إذا تشابه الاسم او الأحداث بأحد فهذا غير مقصود
مفهوم يا أبو عبدالله 😄😂