|
ياللي زعلت السلام عليكم هذي قصيدة للشاعر الكبير طلال السعيد وهي معروف عند الكثيرين وانا حبيت اكتب لكم هذي القصيدة انشالله تنال ارضاكم :) ياللي زعلت أزعل ولاني مراضيك *** اشرب كدر ماي البحر كانه أرضاك لاتحسب اني عقب صدك بداريك *** بعز نفسي عنك مدراك مدراك اربع سنين وانا متحمل تغليك *** راضي بتعذيبك لجل قلب اغلاك وخليتني واليوم والله لخليك *** وأدوس قلبي لينه يقول خلاك قبل توريني الحسايف بوريك *** ليمن قال فلان هانك ووراك كانك تحداني فانا اقبل تحديك *** وانسى الغرام اللي مضى واتحداك ماني بقايل لك عسى الله يهنيك *** الله يحرمك كل ماكان هناك عسى العمى ياخاين العهد يعميك *** فوق الغرور اللي عن الماضي اعماك وعساك ماتسمع قريب يناديك *** حيثك تجاهل صوت محروم ناداك وعسى الشلل يعوق رجل تمشيك *** لينك تندم ليش غيرت ممشاك وعسى حياتك بس فرحه لشانيك *** يلقا بها الفرصه عدوك ويشناك وعسى الليال اللي تجيني بطاريك *** يصبح عليها الصبح وتموت طرياك وعسى المنام وكل راحه اتجافيك *** آمين حتى اللي تمناه يجفاك وعساك ماتفرح وتكثر بلاويك *** وأمك تشق الجيب من عظم بلواك ولا مت جعلك في جهنم اتصاليك *** نار الجحيم ونار دنياك تصلاك الله يكره فيك حتى دوانيك *** غشاش خاين من من الناس داناك هذي النهاية روح والله يجازيك *** امسك ويومك عن هوى الغد يجزاك وسلامتكم :) |
رد: ياللي زعلت سلمت يا ابو سامي مشكور على القصيدة وعلى الإختيار انا اول مره تمر علي بس اسلوب طلال السعيد ما يتغير وشاعر كبير تسلم يمينك ابو سامي |
رد: ياللي زعلت صح لسانك ولسان الشاعر قصيدة حلوه بس قويه |
رد: ياللي زعلت يسلم راسك يا بو عبدالله مرورك كان الاجمل |
رد: ياللي زعلت بنت الجنوب شكرا لكي على المرور اللطيف واكيد اذا كانت القصيده حلوه بتكون قويه ولا لا |
رد: ياللي زعلت قصيدة جميلة ياابوسامي سلمت يداك والله يعطيك العافية مع تحيات دايم الشوق |
رد: ياللي زعلت قصيدة روووعة يابوسامي وأجمل جزئية فيها كانك تحداني فانا اقبل تحديك *** وانسى الغرام اللي مضى واتحداك ماني بقايل لك عسى الله يهنيك *** الله يحرمك كل ماكان هناك |
رد: ياللي زعلت دايم الشوق/مرورك عطر انار متصفحي شكرا لك عــــــــــ القناص ــــــــــزوز/مرورك كان الاروع والاجمل شكرا لك ولا تحرمنا من هـ التواجد. |
| الساعة الآن 01:26 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن