رح تتعلمون يعني تتعلمون انا جيتكم وابعلمكم اللغه بدون وجع راس يالله نبدأ: افرض واحد ضربك على اصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,, i = معنها = انا هل تحب جبنة بوك= لاحظ بوك +بوك= book = كتاب . هل تحب الكت كات= لاحظ كات بس نوع بناتي فاخر+كات=cat = قط هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟ الجواب: فار مر فار مر ,,,, معنها مزارع ,,,,, ككك; farmer <<<< مزارع من مايعرف الرئيس الامريكي ( بوش ) بوش -بوش = push = يدفع _يعني = يدف = وتلاحظونها على الأبواب يعني تقدار تقول= ادفع الباب او دف الباب = push the door = بوش ذا دور كلمه ثانيه:واحد يقولك: كيل تفاح تصير قوي_ كيل برتقال _كيل موز لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill meاو= اقتله = كيل هيم= kill him كلمه ثانيه: واحد يطق الباب وش تقوله: اكيد تقول ( مين) مين مين مين mean = مين = تعني = معنى = او قصد = كأنك تسئل وش معنى كلامك او وش قصدك مثال: تسئل واحد وش قصدك ؟ what do you mean = وات دو يو مين كلمه ثانيه: وعلى فكره كلمة = com الي تشفونها في الرابط = تعني = شركه = وهي اختصار كلمة = company تسمعون البزر يقول الى امه : ماما يالله قوه البيت = قوه قوه = ياقليب قليبوه المهم واضح معنها لكم : go = كوه = قوه يالله نروح= let is go = ليتس قوه كف = فيه احد ما جاه كف على وجه ؟ انا بصراحه تصفقت لين دخت كف= معنها = كحه . كف = cough تقدار تقول= i have cough = اي هاف كف = انا عندي كحه او سعال مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو انا اهتم = i care = اي كير باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان هورس = حصان = horse باوار= قوه =power ركزوا معي في تركيب الجمله = انا عندي حصان = i have horse = لاحظوا = i have = متكرره , i have = انا عندي يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره الرئيس الأمريكي السابق ( بيل كلينتون ) بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل او تقول = بيل بليز = فاتوره لو سمحت = اهم شي تدبر عمرك بلوتوث = واواواواو bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟ بلوتوث تعني = الناب الأزرق = او لو حبيتوا نقول الضرس الأزرق ماشي, بلو= blue = ازرق توث= tooth =الناب او الضرس هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط اللي جمبك سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر فار = مخلوق نذل يصعب مسكه الى اذا جبت له قطو لأن القطو رجال ومايخاف اما نحن الرجال الله يخلف علينا والله ننحاش وتوصل انه ننقل من الحي كله ونترك له البيت ملعون الوالدين فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very يعني تقدار تقول= u are very far =يو ار فيري فار = على كيفكم ني = اللحم ني او الدجاج مو مستوي ني ني= knee = معنها = ركبه بس ماعليكم من حرف الكاف في بداية الكلمه ماينطق =k nee = تنطق = ني كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم كان = CAN = يستطيع او يقدر = انا استطيع = I CAN ممكن يكون معنها اسم بمعنى = علبه او صفيحه = يعني علبة البيبسي تسمى( كان) لأن فيه فرق بين العلبه والقزازه منقوول |
رد: رح تتعلمون يعني تتعلمون هههههههههههه تصدق انكـ تصلح مدرس .. يالله خلنا نتعلم .. يسلموووو |
رد: رح تتعلمون يعني تتعلمون أشكرك على مرورك الجميل |
رد: رح تتعلمون يعني تتعلمون يسلموووووووووووووووو عزوز على هذا الطــــــــرح<<<<<<بس هذا درسي وماخذه عيني عينك درستهم ونزلت الموضوع تعلم النجليزيه مع طش طش <<<خخخخخ |
رد: رح تتعلمون يعني تتعلمون ههههههههههههه والله ما ادري ميبي |
رد: رح تتعلمون يعني تتعلمون فهمت الدرس كامل بس بالله شف لي اي شي على جبنة البقرات الثلاث لاهنت عزوز تقبل مروري دائما مواضيعك مميزه |
رد: رح تتعلمون يعني تتعلمون الله يصلحك ونا ابوك بقوة نقراء عربي خلي باقي نقراء انجليزي ... بس الحركة الي بداية الموضع الي هي اي اي اي,,, لا تقوله مايقوله الا ... اح اح! معليش ياعزوز تراني امزح عليك موضوع يئهلك مدرس e الجليزي والله الموفق يعني بتكون! الأستاذ:عـ القناص زوز... احي احي ياليت تجي ادرسنا الجليزي بدال الاستاذ/ ماجد القرشي... امحق مهايطي رقم ( 1 ) |
رد: رح تتعلمون يعني تتعلمون اقتباس:
ياعيني عليكـ دائما مرورك مميز شكرا لكـ .. |
رد: رح تتعلمون يعني تتعلمون اقتباس:
بعدين وش اللي أزعل ترا حنا أخوااااان عادي بجي أدرسكم أحلى مرور من أحلى عضو |
رد: رح تتعلمون يعني تتعلمون مع احترامي الموضوع غير جيد لكن لو كان بطريقة اخرى لان بعض العبارات لا يوجد لها ربط اساسي بوك BooK اصلاً اختلاف كبير بس عموماً شكراً وياليت الموضوع كان بطريقة غير الطريقة قال: راح تتعلمون لو مدرس مع طلابة زي كذا الله المستعان طرق غير تعليمية وكلام غير منظم ولا يوجد تناسق ولا ارتباط بين الافكار هذى كان ردي على موضوعك وشكراً |
رد: رح تتعلمون يعني تتعلمون مشكورعزوز القناص ألف مدرس من الطراز الاول أبيك تدرسني ولي الفخر عزوز هههههههههههههه كـــــــــــــــــــ الود ـــــــــــــــــــــل |
رد: رح تتعلمون يعني تتعلمون يأتيك الآفيه ازوز الظاهر انها بالأنجليزي عزوز ههههههههههه على فكره ما عندي سالفه في الأنجليزي |
رد: رح تتعلمون يعني تتعلمون اقتباس:
|
رد: رح تتعلمون يعني تتعلمون اقتباس:
أشكرك على هذا المرور الراااااااااااااااااااااااااااااااااااااااااا ائع |
رد: رح تتعلمون يعني تتعلمون اقتباس:
أحلى مرور عاشق الرعد هههههههه حلوة اللغة الانجليزية |
رد: رح تتعلمون يعني تتعلمون انا ماأبغى ماأطول بس ترى عندك كلمات كثيرة لاأريد التطرق إليها عندك اخطاء في نطقها ياليت تخلي واحد يصححلك قبل ماتكتب. مثل كلمة kill تنطق كل وليس كيل. تقبل مروري. |
رد: رح تتعلمون يعني تتعلمون يصحح لي ؟؟؟؟؟ غريبه جدا اموركم يا اعداء الابداع الموضوع منقول من خلال قرائتي لردوده ماشفت ردود زي كذا والمصيبة يوجد دكاترة انجليزي هههههههههه آخ بس |
الساعة الآن 04:06 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن