غــرام أحــبــاب

على ذاك الطـريق اللي يسمُّونه غـرام أحبـاب

وطت رجلي على دربه ولا أدري وش نـوى فيني

تبعـته لآخـر دروبه إلـيــن إن القــمــر قــد غــاب

تعـب قـلـبــي ولا تعـبَتْ مــســافــاتٍ تــودِّيــنـي

لقيت الليله الجردا هَدَب ,, ظِـلْ وسمَا وأعشَـاب

بعـد ذاك الـظـــلام اللي يـتـوِّهـنــي عــنـاويـنـي

صدفـتـك مُعجبه فيني وياليت الــغـــرام إعجـاب

وتـراك أنتي الهنـوف اللي هقيـتك تستحقـِّيني

عطيـتك عشـق من قلبي وسلمت لغـلاك رقـاب

وغــيـــرك يـحـتـرق قـلـبه ولا يـقـدر يـحـاكـيـنـي

أنـا قبـلك صدفت عيـون لكـن ويش جاب لجَاب

تـرى كـل الـعـيـــون اللي لقـتـنـي مـا تكفـِّيني

رمـانـي حـظـي العاثـر عليـك وجيت لك طـلاَّب

ولا أنتي اللي عشقـتـيني ولا أنتي اللي عتقتيني

تعـالي وأرحـمـي ذاك الـخـفــوق المُـولع المرتـاب

مهو لأجلي عـشـان الله يـجــازيــك ويـجـازيــنـي

تعدَّي في سما عشقي ولو عشقي خـراب أصحاب

وصوني بالهـوى نفسـك قــبــل لا أنتي تصونيني

وشيلـيـني على مـتـنـك خـفــوقٍ بـاريٍ منصـاب

ومن فـوق الغـرام الــعــذب شيليـني وحطيـني

وإلى منِّـك هقيتيني شــجــاع ومـا يطيق يهـاب

أنـا لك بالهـوى والله مـثـــل مـا أنتي هقيتـيني

أنـا ما أطـرد وَرَى غـيــرك ولـو إنـه يـطـق الباب

وتـرى عيب علـي أطعن ولـو كثرت سكاكـيني

زهـودٍ مـا يـطــيــق الـدَّم لا دايــنْ ولا طـلـاَّب

شجَـاع وعـارفٍ نفسـي وأظـن إنـك تعرفيني

غيـورٍ ما عَرَفت أضحك مع الغـدر فبرود أعصاب

أبيـع عيـوني الـثــنــتـيـن قـبــل إنـك تخـونيني

وإن أشْـتَدّ الغـرام أتـرك خفـوقي بين ناب وناب

لفـرقـاً تكْسِـر ظلـوعي ولا عــشــقٍ يـوطـيني

أنـا رجـلٍ ولي غيـرَه وإذا شفت الهـوى كـذاب

تثـُور بقلـبي الفـزعَـه ولا تـهــدا شـيــاطـيـني

سُـؤالـك لـو يزعزع بي كياني مـا قبلت عتـاب

أجـي لك وأسـألك نفـس السُّـؤال اللي سألتيـني

عـن العشـق القديم أبـواب تقفيها كثـير أبـواب

بعـد ذاك الحبيب اللي خـدعـني وأنخـدع فيـني

أبـي عشـق تحسبْ له كل نظـرات العيون حساب

وأبـي قلـبٍ علـى قلبي وأبي ديـنٍٍ علـى ديني

وأبـي نظـرة عَطا تُوفِي ولا تخلف بدُون أسبـاب

وأبـي مـنــك قـبــل لا أنـتــي تصـدِّينـي تـودِّيـني

وأبـي درب على العـذال صعـب ومتعب وغـلاَّب

وأبـي نفـس الطريق الصعـب يبعـدهم ويدنيني

ترى لـو للقلوب عيـون ولـدمـوع الـعيـون أهداب

حشى مـا تنزل الدمـعه لـغـيــرك لـو تـركتيـني

أنـا أوَّل من عرف قدرك وأنا تـوِّي صغير وشاب

وأبـي منـك مـا دام إنـك عـرفتيني تحبِّـيـني

ما دام إني لقيتك في طريـق اسمه غـرَام أحبـاب

دخــيـــل الله وبــعـــد الله دخيـلـك لا تخـلـيني

ما دام إن كـل من يحيى على وجه التراب تـراب

عسى تنسـاني الـدنـيا مـا دام أنتي ذكـرتيني


كلمات الشاعر : حــامــد زيــد

الأخ رحااااال

السلام عليكم ورحمة الله وبركاته

شكراً على مرورك ... تقبل مودتي