ويلومني فيك يوم أغليك ... يا أول همومي وتاليها


أبيع كل البشر وأشريك ... حاضر سنيني وماضيها


يا غايب صرت أفكر فيك ... يا أغلى جروحي ومشقيها


تطول بي حلوتي وأجيك ... والرجل تسبق خطاويها


أطلب حياتي وأنا بعطيك ... تستاهل الروح وأهديها


إشارة من نظر عينيك ... أجيبها لك وأوديها


قلبي يكلمك ويناديك ... من غيرك الناس ما أبيها


روحي بها محد يساويك ... إنت اللذي ساكن فيها


العين في غيبتك تطريك ... تبكي من فراق غاليها


يكفي عذاب الله يخليك ... بعدك وصدك معنيها


قصيدة الحب بين يديك ... ما ضنك تكون ناسيها


حروفها الدافية تبكيك ... وعيوني الدمع معنيها

خــذيــت وردتــي مــنــي

ودم الــقــلــب مــنــهــا ســال

ســرقــت قــلــبــي وغــبــت

ولا كــنــك تــعــرفــني