| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا | تأكد وتحقق من صحة الحديث عبر اسرع موقع بقلم : الرهيب  | الرهيب | |
 « آخـــر الـــمـــشـــاركــــات » |
| ملتقى بنى بحير بلقرن للشعر الشعبي قصائد الشعر الشعبي ( العامي) بجميع لهجات البلدان العربية .والمحاورات الشعرية الشعبية. |
 الإهداءات |
 |
| | LinkBack | أدوات الموضوع |
06-30-2009, 12:30 PM
| #1 |
   |  جايب لكم قصيده مؤثره بعنوان يا عيالي السلام عليكم ورحمة الله وبركاته جايب لكم قصيده مؤثره بعنوان يا عيالي اليكم القصه القصه كما رواها الراوي قبل (( 200 سنه )) وهي لشايب تزوج وله اربعة اولاد وانتقلت زوجته الا رحمة الله ولم يتزوج بعد وفاة زوجته رغم انه رجل مقتدر وله مكانه عند قبيلته والسبب يقول (( ما ودي اجيب زوجه تآذي عيالي )) ويقول انا بقوم عليهم وارعيهم.. المهم مرة السنوات وكبروا عياله والمصيبه ولا واحد فيهم بر بوالده الي تعب فيهم الى ان قربت وفاته ذهبو ووضعوه في وادي اسمه وادي السلاحيب ما عنده الا ووحوش الفلا..... قال القصيده فيهم واستجاب الله له والنتيجه ان اولادهم كلهم ولا واحد جاله اولاد.... .... اليكم القصيده.... قال الذي يقرا بليا مكاتيب ياللي تقرون العمى من عماكم ياعيالي اللي تشرفون المراقيب تريضوا لي واقصروا في خطاكم خذوا كلام الصدق ما به تكاذيب مثل السند مضمون للي وراكم ياعيال لا صرتوا ضيوف ومعازيب ترى الكلام الزين ملحة قراكم وتروا السبابة من كبار العذاريب وهرج البلايس ما يطول لحاكم المذهب الطيب فهو مذهب الطيب والمذهب الخايب يبور نساكم ياعيال ما سرحتكم باللواهيب ياعيال ما عمر المعزب ولاكم ياعيال ماضربتكم بالمشاعيب ولا سمعوا الجيران لجة بكاكم ياما توليت القبايل تقل ذيب من خوف لاينقص عليكم عشاكم وياما شربت السمن من عرض ماجيب يفز قلبي يوم يبكي حداكم أحفيت رجليني بحامي اللواهيب وخليت لحم الريم يخالط عشاكم ياعيال دوكم لحيتي كلها شيب هذا زمان قعودنا في ذراكم قمت اتوكا فوق عوج المصاليب قصرت خطانا يوم طالت خطاكم عطوني القرضة عليكم مطاليب عطوني القرضة جزى من جزاكم لابد يوم عاوي دوني الذيب بالقبر ما افرق طيبكم من رداكم ماني بفاضحكم بوسط الاجانيب باعمالكم يدرون كل اقرباكم لوكان تدرون الردى والمعاييب صرتوا مع المخلوق مثل خوياكم خوالكم بالطيب تروي المغاليب ولو تتبعون الجد محدن شناكم وش علمكم يا تاركين المواجيب حسبي عليكم هالردى وين جاكم قصيتكم واسندت وادي سلاحيب ولقيت بالصبخا مدافيق ماكم ياعيال بعتوني بصفر العراقيب ما هي حقيقة سود الله قراكم يالله عسى اعماركم شمسها تغيب يعتم قمركم ثم تظلم سماكم يا علكم في حاميات اللواهيب ياللي على الوالد خبيث لغاكم شفت الجفا والحيف والغلب والريب بضلوعكم لابيض الله قراكم عسى نساكم ما تحمل ولا تجيب ولا حدن من البزران يمشي وراكم اخسوا خسيتوا يا كبار اللغابيب اهبوا هبيتوا يقطع الله ظناكم المصدر: منتديات بني بحير بلقرن [hdf g;l rwd]i lcevi fuk,hk dh udhgd ph]e |
|  |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| |
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصة فتاة مؤثره | عزيز النفس | منتدى بني بحير بلقرن للقصص والروايات | 3 | 10-31-2011 05:52 AM |
| قصيده بعنوان ( اصدقاء المصلحه ) | هجر قلبي | منتدى القلم الخاص | 1 | 06-20-2011 03:19 AM |
| دقائق مؤثره! وكلمات؟ | عاشق بنت الغيم | المواضيع العامة | 0 | 02-08-2010 04:23 PM |
| قصه مؤثره في النفس | هاوي | منتدى بني بحير بلقرن للقصص والروايات | 2 | 01-05-2010 12:01 AM |
| قصه مؤثره وتقهر | محمــــد | فكاهة وفرفشة | 0 | 09-22-2009 07:13 AM |
Rss Rss 2.0 Html Xml Sitemap دليل المنتديات
