فيه طريقة .. والله كتبتها دون أن أقرأ رد عزيزي الرضاب المعسول ... لكن إن طلعت صح فأنا متبرع بالهدية للرضاب وإن طلعت خطأ فالشكوى على الله ..
شف يالحبيب .. اقسم الموية الى ثلاث مجموعات كل مجمعة فيها خمس علب وخل علبه برا
وخذ من كل علبه جغمه وحطها في كاس .. واعط الكاس الاول للعامل الاول .... وكاس المجموعة الثانية للعامل الثاني .. وكاس المجموعة الثالثة للعامل الثالث ..
ان سلموا كلهم فانتبه من العلبه اللي برا .. تراها مسممه
وإن مات واحد منهم فمجموعته فيها البلا ,, وش تسوي .. تاخذ الخمس علب حقت المرحوم وتقسمها مجموعتين كل مجموعة علبتين وطلع الخامسة برا
وخذ من كل علبه جغمه وحطها في كاس .. واعط الكاس الاول للعامل الاول .... وكاس المجموعة الثانية للعامل الثاني
ان سلموا كلهم فانتبه من العلبه اللي برا .. تراها مسممه
وإن مات واحد فأحد العلبتين اللي في مجموعته مسممه
باقي عندنا علبتين احدها مسممه والثانية سليمة وعامل واحد .. بسيطة
هبلوه جغمه من العلبه الاولى إن سلم فعرفنا ان الثانية مسممه .. وإن انسدح فاستبعد اللي شرب منها ويبقى عندك البقية سليمة عش منها ضيوفك وتجمل والله يرحم العمال .. وكل عام وانتم بخير

صاحب السمو بالنسبة لحلك فهو دليل على انك على وشك الوصول برفقة الرضاب المعسول ولكن في الواقع استخدمت 15 قارورة ودرستها وهذا يحتاج ساعة كاملة ودرست 5 قارورات وهذا ساعة ثانية ثم درسة قارورتين وهذا ساعة ثالثة وبهذا يكون الوقت طويل. لا تيأس يا عزيزي صاحب السمو وتذكر بأنك قاب قوسين أو أدنى من الأجابة لا يثبطك كلامي بأنك لا تستطيع أن تستطيع طالما أنك اصريت على أن تستطيع.

الأخ ابو حسام اطرح ما لديك من حلول فقد يكون الحل بين يديك إلا الآن الاجابة تحتاج وقت طويل والاجابة الصحيحة يتم نيلها في غضون ساعة وخمسة عشر دقيقة فقط، بل حتى اقل من خمسة عشر دقيقة، فكر معنا فهي دعوة للتفكير والتحليل والمساعدة ويكفيني شرفاً انك متواجد في موضوعي فهذا دليل على أنك تنحني بقامتك لتصل إلي وتشاركني افكاري وهذا دأب الكبار الذين يرجون للقبيلة السعادة والفائدة، كل التحية والتقدير على تواجدك يا استاذ ابو حسام واتمنى اسمع منك اجابتك مقيدة بالوقت الذي ذكرته سابقا أو حتى تشجيع للأخوة المشاركين والأخذ بأيديهم وتوجيههم إن كنت لا ترى إفساد روح المثابرة والإصرار عليهم. ألف تحية