رسائل من إختياري

السلام عليكم روحمة الله وبركاته


أعزائي أعضاء منتدى بني بحير أحببت أن أقدم لكم هذه الرسائل

وأرجو أن تحوز على رضاكم واستحسانكم .. ودمتم بود


::::::::::::::::::::::::::::::::::::::::::::: ::::::::::::::::::::::::::::::::::



الشوق يغلي والمشاعر تناديك
تعال وأسمع ماجرى في غيابك
بأول غيابك إنكسر قلب مغليك
وثاني غيابك دمع يبكى جنابك
وثالث غيابك يالغلا قمت أعزيك
في موت قلب هام بك وأبتلى بك

*****
مادريت إن الفراق أكبـر خطيه
واللقا يقضي على كـل الخطايا
في حضورك عيني بشوفك ثريه
وفي غيـابـك مابقى فيني بقايا
صاحبي وإن شفت طيبي لك هديه
وش شعـورك دام كلي لك هدايا

*****
والله إني كنت ألوم إللي يضيق إن غاب خله
لين جربت المحبـه والفـراق وقلـت توبه
لعنبو جـد المفارق فيـه هـم وفيـه ذلـه
أثـر كـل الحب لذه والفـراق أكبـر عيوبه

*****
حبيبي لو جيت أسألك ليه الهوى مـنك وفـيك
لـيه المشـاعر ماتعيش إلا بساعة شـوفتـك
لـيه أنت لـو مره أقـول أني كرهتك ما أبيك
يرجع صـدى صوتي يقـول الله ما أكبر كذبتك

*****
يااللي سكنت بقاصي القلب وأدناه
وبنيت وسطـه بيت محدٍ درابـك
زرعت من ورد الغـلا في زواياه
وأسقيت كـل ورودها من سحابك
وحـدك سكنت وغير بيتك هدمناه
كـل البشر عجزوا يدلون بـابـك

*****
أجـمل الكلمات هي حكي العيـون
وأجـمـل اللحظات لحظاتي معـاك
كـل ما قالـوا حبيبك مـن يكـون
قلت من هو غيـر هالواقف هنـاك
قـاسـي بطبـعه ولكنـه حنـون
مـن بنـي آدم لـكـنـه مــلاك
ياحبيبي لا تضيـعـك الـظـنـون
ولاتضيعني عسى عـمـري فـداك
غصب عني صـارت عيونك تمون
وين مـا سافـرت يلحقني غـلاك
سقتني للمـوت ودروب الجـنـون
وأصبحت دنياي من بعـدك هـلاك
ذبت كلي فـي مظاليـل الجـفـون
وانتهى عـمـري بدونـك وأبتداك
يابعدهم فـي وجـودك وش يبـون
بلغ العـالم تـرى ماأبـي سـواك
أنـت بس وكلهـم مـا يـقـدرون
‏نـور عيني ما يشـوف إلا حـلاك
منهو مثلك فـي سواليف العـيـون
وأنـت إذا سولفت تأخذني مـعـاك

*****
دام بحـر الشـوق للعاشق مسار
لا تظنه يانـظـر عيني غـزيـر
لو يطول الوقت وأسبح في انتظار
أشهد إن الـوقـت لعيونك قصير
ما عرفت الحال بعـدك كيف صار
غيبتك صـحـرا وميعادك غـدير
قلت أنـا للناس كلمه بإختـصـار
أحتريتك ومـا يهم اللي يصـيـر

*****
كـل ماجيت أبتدي فيك أنتهيت
وكـل ماجيت أنتهي شفتك بدايه
وكـل ماجيت أنغوي فيك أهتديت
وكـل ماجيت أهتدي شفتك غوايه
إن كتبتك حـرف شفتك ألف بيت
وإن كتبتك بيت صرت أحلى روايه

*****
شـف أكـثـر الوقت بغيابك يعذبني
لاتحرم المشتاق من صوتك وضحكاتك
زعـلان أرضـيـك إعذرني وعاتبني
قصـرت أوفيـك أنـا كلي لمرضاتك
ما أقوى غيابـك ترى بالحيل يتعبني
ياشين دنـيـا حرمتني مـن ملاقاتك

*****
حبي لك أكبـر من حنان المحبين
وأقـرب بواجد من خفوقي لذاتي
أنا الجسد وانتي لي الروح والعين
وأنا ضرير الشوف وانتي عصاتي
مهما تجاهلتي عن الحـال تدرين
محد خذا غـيـرك مكان بحياتي

*****
ياليتني لاأشتقت لك أقدر ألقاك
ياليتني لامـن بغيـتـك لقيتك
أسهر وأعاني وأرتجي وآتمناك
وأصافح كفـوف الشقا لابغيتك
لاتقول تنساني أنا مقدر أنساك
يفنى شبابي والعـمر مانسيتك


تحياتي للجميع .. محبكم // حدي نظر //

---

vshzg lk Yojdhvd

كـل ماجيت أبتدي فيك أنتهيت
وكـل ماجيت أنتهي شفتك بدايه
وكـل ماجيت أنغوي فيك أهتديت
وكـل ماجيت أهتدي شفتك غوايه
إن كتبتك حـرف شفتك ألف بيت
وإن كتبتك بيت صرت أحلى روايه
ـــــــــــــــــــــــــــــــــــــــــــــ ـــــــــــ
ـــــــــــــــــــــــــــــــــــــــــــــ ـــــــــــ
الله يسعدك ويخليك تقبل مــروري

شكرا عبدالله القرني

الصفحه منوره بمرورك

لكم مني كل التقدير

الله يعطيك العافيه

تقبل مروري