لاتحسبني يوم انا اطريـك مغليـك .. ،
يمكن مع سير السوالـف طريتـك .. ،

العام تنساني وانـا اليـوم ناسيـك .. ،
كلك على بعضك ترانـي نسيتـك .. ،

ماني على رجواك يازين ناصيـك .. ،
اموت في عـزي وانـا مارجيتـك .. ،

كل المشاعـر فيضهـا ماتدانيـك .. ،
دامك تشكل في غـرورك وطيتـك ..،

كنت اتحاشى غلطتـي ماتباريـك .. ،
حتى وانا مجرووح جيت وعطيتك .. ،

اعطيتك افراح العمـر والتباريـك .. ،
وان داربك همك رحلـت ولقيتـك .. ،

واليا طلبت احلى القصايد تسليـك .. ،
جبت القصايـد كلهـا وارتضيتـك ..،

اكتب علشـان المعانـي معانيـك .. ،
واقرا حروفي واعرف اني قريتـك .. ،

واداعب احلامك واناجـي لياليـك .. ،
وان مرني طيفك مشيت وسريتـك .. ،

واليوم بدلـت المشاعـر تماتيـك .. ،
وأقصى ضلوعي عن هواها قصيتك .. ،

يحرم علي اليـوم بسمـك اناديـك .. ،
وش عاد لو قلتـي ترانـي فديتـك ..

صدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِيً غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهييني)

عيني غفت مير.. صوت انفاسك بجوفي
ولذة عتــابك تونســـــــني وانا غـــافــي

جيت اكتبك بالقــــصيد وزانت حـــروفي
قلت انطقك بالكــلام .. وطاحت اطرافي

لو ألتفت يم غــيرك.. مارضــــى شوفي
ولو يمّك يجــــف..مالك غـــــير مجدافي


رغم اللقا،والشقــا ، والـــحب ،ياخوفي
ان جيت بكره وشمعــك باللـــقا.. طافـي

اســــهر فـ بعـــــدك، وقربك لا وعـد يوفـي
واذ فيه وافي ماغــــيرٍك.. بالعــــمر وافي

شوفي؟ وانا كل قصدي حبك.. وشـــوفي
ان خفت من غيرتك من غـــيرتي خافــي

ان قلت اقول: اعشقــك وآكثّر احـــلوفي
والله ماخونك ..وحلفي لك ماهـــو كافي

احسبني احضنك..واثري حاظن كـــتوفي
وبعضك تراجف ولع.. من كلي ..المآ فـــي

ويتوه بعـضي بكــــلك واترك وقـــــــــوفي
ورمضاااك تشره علي اقدامي وانا حافي

وارشف غلاتك بعيني واروي وصوفي
وابوس راس الزمــــان.. يبــــين الخافي

وأمرّ نفسك.. وابيك تــقــــدر ظـــــــروفي
ويسيل بردك ..ويصـير بردك .. لحــــافي

وصوتك وصوت النفس يالحلوه..بــجوفي
من لذة الصــوت متـــــبسم وانا غـــــافي ,,