حبك ما أبيعه لو عطوني ملايين

[روح شاعر]

يا ناعس الطرفين وش جاك مني

لك مدة خاطرك عني ما هو زين
بعد الوفاء والصدق خيبت ظني

تبطي علي وصار طبعك علي شين
لا قلت باتصبر دموعي فضحني

إلا ذكرت الوقت الأول وهالحين
اللي يغيت أخفي دموعي عصني

أربع على أربع كل ضعفٍ بضعفين
فاراً وثاراً وأهملن واحرقني

مثل الحمم لا طلعته البراكين
إن كان جوك الناس وأغووك عني

ما هو بظني فيك يا داعج العين
يا ما ويا ما قيلعنّك وعني

ياماحكوا عنا من الزين الوشين
سمعت والله كل ما قيل عني

شي صحيح وشي زور وتلبين
واللي حـــكى مـتعمدن ممتحني

لا وفــقة ربــي بــدنيا ولا ديـن
فما هوب هذا مقصدي يا مظني

قصدي عليش أبطيت عني لها لحين
أقسم برب البيات وإيمان سنّي

ما انساك ما دمنا على الأرض حيّين

أقسم برب الخلق أنسٍ وجني

لا أردد اسمك كل حينٍ بعد حين
أنساك كيف وحب شوفك محني
حباً سلب روحي وحباً عمى العين

ان كان بعت الحب وابعدت عنّي
حبك ما أبيعه لو عطوني ملايين

[لؤلؤة البحر]

مـــــوضوع يليق بأبداعــــكـ~~

دائما متألق ومبدع ومتميز للغايــهـ~~

يعطيك الف عافـــيهـ

ننتظر جديدك بكلشــــــووق..

تحياتي لكـْْْ لؤلؤة البحر

[روح شاعر]

المشاركة الأصلية كتبت بواسطة لؤلؤة البحر

مـــــوضوع يليق بأبداعــــكـ~~

دائما متألق ومبدع ومتميز للغايــهـ~~

يعطيك الف عافـــيهـ

ننتظر جديدك بكلشــــــووق..

تحياتي لكـْْْ لؤلؤة البحر

انت والله المبدعه والمتألقه شكراً جزيلا على المرور والتعليق لاعدمناك يالغاليه

[الرهيب]

يعطيك الف عافيه ياخوي على هذا الطرح الراااااائع