يا قلب لا تشكي على كـل بـلاس *** اليا نصيت انصى وسيـع البنايـد

[ضناني الشوق]

يا قلب لا تشكي على كـل بـلاس


اليا نصيت انصى وسيـع البنايـد


راع العلوم الوافيه طيـب السـاس


محزمك لا مالـت عليـك الشدايـد


خل الك في صدور الرياجيل مجلاس


من شان تجني من جزيل الفوايـد


الطيب والتقدير وازهـار الانفـاس


والعرف والحكمه وزيـن العوايـد


لا تتبع ردييـن الاطبـاع تنحـاس


مافـي متابعـة الردييـن فـايـد


ترى القلوب اشكال والوان واجناس


مثل الرتب جنـدي مـلازم ورايـد


وانته ذهين وفا المواقيف حسـاس


لا يخدعك ضحك القلـوب البلايـد


مامن وراهم مكسب ولاش نوماس


ينقص مقامك عقب ما كـان زايـد


لا زان حظك كلهم جـوك حـراس


ون شان حظـك كلبوهـم شرايـد


صحبه بليا فايـده فقـر وافـلاس


ما من وراهـا غيـر هـم ونكايـد


والبحر ما يغرقك ما دمت غطـاس


من عمقه بحكمتك جيـب الفرايـد

[مطر البحيري]

يسلمووووووووا

[قرني حساوي]

المشاركة الأصلية كتبت بواسطة ضناني الشوق

لا زان حظك كلهم جـوك حـراس


ون شان حظـك كلبوهـم شرايـد


صحبه بليا فايـده فقـر وافـلاس


ما من وراهـا غيـر هـم ونكايـد

كلام كبير وخطير تشكر اخوي على الابيات