غابت ثمان سنين حـلّ وترحـال ..

[الفجر البعيـد]

السلآم عليكم

مسآئكم وُ صبآحكم محبة ورآحة بال
حبيت اطرح موضوع قصيده بقصتهآ
وآتمنى آن تنال على آعجابكم


,
,



قصة القصيــدهـ :

هذا كان فيه واحد شمالي شاعر كان يحب له وحده حب خيالي قوي وانعرف بحبها وكانوا متفقين يتزوجون بس للأسف مالله قسم ولا تزوجوا زوجوها اهلها واحد ثاني غيره ..
وراحت سنين وانقطعت علومها وهو كان يدرس وتخرج وعينوه بديره بعيد بالجنوب وراح الرجال وداوم
واول يوم دخل الصف ثاني ابتدائي اللي كان يدرسه وهو يشوف كل الأطفال يتليقفون ويلعبون ماغير واحد
شد انتباهه جالس لحاله وهادي ومؤدب .. من ناظر له الأستاذ الشمالي اعطاه نظره وابتسم له يوم شافه الأستاذ
ابتسم وناداه وسأله عن اسمه قال انا فلان بن فلان
وهذي كانت المفاجأه قال الأستاذ امك فلانه ؟
قال ايه
طلعت الحبيبه السابقه
سبحان الله عمر ولدها سبع سنين وتذكر الأستاذ الماضي وهلت عبرته وحضن الولد وكتب له هذيك القصيده
الراااااااائعه واعطاه قال ودها لامك..



والقصيده كانت تقول :

غابت ثمان سنين حـلّ وترحـال
غابـت ثمـان ٍ كلهـا مدلهـمّـة

سألت عنها سنين وشهـور وليـال
ولافيه قطر غيـر وجهـت يمّـه

وعقب الثمان اللي تعبها برى الحال
جاب الزمـان الكارثـة والمطمّـة

جاني ولدها مبتسم بيـن الأطفـال
ومن بسمته ذكرت أنا بسمـة أمّـه

شفته وصاحت داخلي كل الآمـال
بصوت ٍ عجزت بكتم الأنفاس ألمّه

ركضت له ودمعي على الخد همّال
ومن كثر شوقي قمت بالحيل أضمّه

لحظة حضنته والطفل في يدي مال
شميت ريحتها على اطراف كمـه

وأستلهمت نفسي مقادير الأهـوال
تمّ الضّيـاع وأكّـدت لـي متمّـه

واليوم بنت الناس في بيت رجّـال
وحب على غير الشرف لي مذمّـه

لازم أعود وأشتكي لكـل الأجيـال
بنفـس حزينـة كائبـه مستهمّـه

بأرجع غريب ٍسكّته بر ورمـال
يموت يحيـى يندفـن مـا يهمّـه

::
مودتيَ

[أبو الفيصل]

جاني ولدها مبتسم بيـن الأطفـال
ومن بسمته ذكرت أنا بسمـة أمّـه

ومن الحب ماقتل .قصيدة رائعة
شكرا فجر اختيار جميل كعادتك

[أبو عماد]

رائعة جداً و مؤثرة
اسعدك الله اختي

[الفجر البعيـد]

آبو الفيصل

’
وشكرآ لحضورك الكريم

,
آبو عمآد
’
آسعدني حضورك
والله يسعدك...~