للــدلاخــة مـنـطــق

[قمر]

يقول كان يا ما كان

في دلخ راح يستقبل ولد عمه في المطار

المهم وهم راجعين من المطار

يسأله / أنت صار لك عشر سنين في أمريكا..وش كنت تدرس؟

رد عليه ولد عمه / كنت ادرس علم المنطق

قاله / وش هو علم المنطق؟

رد عليه / صعبه اللي درسته بعشر سنوات اشرحه لك بساعة بس انا بعطيك
مثال على المنطق

قاله / طيب يالله عطناا

سأله ابو المنطق / أنتوا عندكم كلب في البيت, صح؟

رد عليه / ايه نعم عندنا

قاله / دام عندكم كلب اكيد انكم مسوين له بيت في الحوش

رد عليه / صح مسوين له بيت في الحوش

قاله / مادام أنه عندكم حوش أكيد أنكم عايشين في فيلا

رد عليه / صح حنا عايشين في فيلا

قاله / دام أنكم عايشين في فيلا أكيد أن أبوك غني

رد عليه / صح أبوي غني

قاله / دام أنه أبوك غني أكيد أن

أمك قاعدة في البيت ما يحتاج أنها

تصير رقاصة علشان تجيب فلوس

رد عليه / صحيح أمي قاعدة في البيت

قاله / هذا هو المنطق , أنك تبني شيء علي شيء.

ومن وجود الكلب في

بيتكم استنتجنا أن أمك ماهي رقاصة .

رد عليه الدلخ / أهااااااااا هذا هو المنطق؟

المهم ... الدلخ هذا راح للدوام اليوم الثاني يكشخ عند مديره وقال للمدير :

طال عمرك تعرف وش هو المنطق ؟

رد المدير قال لا والله وش المنطق علمني

قال / أنا أعلمكم <--- مسوي نفسه فاهم

سأل المدير / أنتوا عندكم كلب في البيت ؟

رد عليه المدير / لا ما عندنا

قاله / أجل أمك رقاصة

[شذى الجنوب]

الله يسعدك ............... والله راح فيها الولد
مشكورة عزيزتي

[بنت الجنوب]

ابو المنطق الي درسة وعلمه ولد عمه

[ساحرة عيونهم]

هههههههههههههههههههههههههههههاااااااااااااااا ي

ياحليله ليته ماعرف وش المنطق ..

مشكـــوره قمــــر ..

[أغليكـ]

+++

الف شكر لك .. ][ ][ ..

مبدع دائما واصل نريد المزيد .. ][ ][ ..

لا تحرمنا جديدك .. ][ ][ ..

+++







أغليكـ

[قلم رصاص]

وش هالغباء هذا

أقسم بالله دلخ مع مرتبة الشرف

أجل رقاصة هاه

خخخخخخخخخخخخخخخخ

شكراً قمر

[ابو سامي]

ياخوان المشكله من المدير ما عطاه فرصه ولا كان علمه ابو المنطق

ههههههههههههههه

[أبو الفيصل]

مشكورة والله ان المنطق ان ما ادلخ من الولد
الا ولد عمه عاد مالقي الا هذا المثال حصيلة
ثلاث سنوات دراسة بامريكا كلب وفلة وحوش ورقاصة
هههههههههههههههههههههههههههههههههه