قصيدة كارثة جده

[ذيب غامد]

الى ملك الانسانية
ملك احب الشعب واحبه الشعب
الملك الانسان عبدالله بن عبد العزيز

يا مسوي الكيف عـده للملـك عـده

وخلـه بمينـاه تكفـى لايفارقـهـا

اللي عرفناه وقـت اليسـر والشـده

ومدات جوده لنـا ماحـد ً يصدقهـا

كأنه يحرك قلوب الشعب فـي يـده

اتعانقه بـا الوفـاء واهـوه يعانقهـا

يطول عمرك يارع العـدل والمـده

خالفت عميان الارياء فـي تشدقهـا

ومسحت دمع الحزين بكارثـة جـده

لولاك كان الغرق والحزن مغرقهـا

وأعددت للبايـق اللـي باقنـا عـده

من حكمتك لين تظهر لـك حقايقهـا

ومن خان ياسيدي فا ادعس على خده

با الشرع لاعـاد ترحمهـا وتعتقهـا

والسارق اللي سرقنـا نعنبـو جـده

امانته كيف امـام النـاس يسرقهـا

الحق يظهر ولو هـي طالـة المـده

والارض تشهد على الخين مرافقهـا

لو كان بعـض البشرينكـر ولا وده

ويستر عيوبه مـن هـروج ً يلفقهـا

من أمرك اتطيح روس هدهـا هـده

اللي بنت في الزايا اضخـم فنادقهـا

انت الذي شال عـدل الله فـي يـده

اضرب بسيفك على الاشرار واحرقها

وانت الذي توقف الظالم على حـده

وانت الذي هيبتـك تلجـم منافقهـا

لاعاد ترحم ولو هو كان مـن قـده

شريعـة الله فـوق الارض طبقهـا

حارب مثل حرب لبو بكر في الرده

يوم الوجيه انكشـف فيهـا تملقهـا

ياسيـدي كـل شيـاً واصـلً حـده

وامالنـا كلهـا عـنـدك نعلقـهـا

الشعب ماله سواك اليا الزمـن حـده

وشعبك ذرى ديرتك لـلاح بارقهـا

اللي على امنه هنا واللي على حـده

واللي امام العـدو داخـل خنادقهـا

يا نادر مايبيـح الدهـر مـن سـده

تخرج صعيبات الارياء من عوايقهـا

وفضايلك ياطويـل العمـر ممتـده

فالارض وصلت لمغربها ومشرقهـا

لشاعر المهدي بن تركي

[ابورزان]

شكرا يا ذيب غامد على القصيدة

وشكرا على هذا النشاط وهذا المجهود الرائع

[أبو الفيصل]

شكرا لك على القصيدة الجميلة

ويعطيك الف عافية ولك خالص تحياتي

[بنت الجنوب]

بارك الله فيك

[ذيب غامد]

ابو رزان ابو الفيصل بنت الجنوب اشكركم على المرور ويسعدني
اخوكم
ذيب غامد