المشكلـه لا سلهمـت فيـك بالعـيـن ...

[قرني حساوي]

تدري وش أكبر ذنب في الشرع و الدين؟!..

إنـك تسـب الـلـي خلـقـك و تـذمـه

و تدري وش أكبر عيب عندالمياميـن؟!..

انـك تخـاوي لـك مـن النـاس رمـه

و تدري وش أخطار التجاوز من يمين؟!..

إنـه يكـون اللـي علـى البـاب عمـه

والمشكلـه لا سلهمـت فيـك بالعـيـن

والريـح تنثـر فـي شعـرهـا وتلـمـه

يضيـع فكـرك بيـن حـد الحجاجـيـن

و يمكـن تجيـب الكارثـه و المطـمـه

و تدري وش اللي يدبل الكبـد ويشيـن؟!..

بعض القصيـداللـي علـى غيـر يمـه

يابندر ابن سرور ويـن أنـت هالحيـن ؟

ويـن أنـت يـا زبـن الأمـور المهمـه

وين القصيـد اللـي يـدك المياديـن؟!.

و يهـز شيـخ فـوق رأســه معـمـه

الشعـر والشعـارصــاروا عنـاويـن

و مهبـل تشـري القصـيـد وتصـمـه

صاروا مثـل مـا قـال لعبـة وراعيـن

وكل(ن)تربـع لـه عـلـى رأس قـمـه

يقـول أنـا الشاعـر و غيـري مجانيـن

ودك علـى مجـمـع حنـوكـه تخـمـه

النـاس تذبـح فـي العـراق و فلسطيـن

و قصايـده يـاحلـو عيـنـه وفـمـه

عساه يؤخذ في الضحـى قولـوا ( آميـن )

اللـي بنـات النـاس شغلـه و هـمـه

أحـد يحـاول ستـرعـذراء البعيـديـن

و أحـد يـدور بالـردىء بنـت عـمـه

قـد قالهـا بنـدر قبـل عــدة سنـيـن

يثـورمعهـا الـحـر و يـثـور دمــه

ولا الـردي لـو مرتـه بيـن قوسـيـن

تـزول عـن عينـه مــزول المغـمـه

يا بنت شومي عن هـل الضعـف تكفيـن

مالـك ومـال اللـي قـريـب مجـمـه

والشاعـر اللـي مـن رجـالٍ مسميـن

علـيـك فــرض لازم إنــك تتـمـه

الـدار .. والعـادات .. والسلم..والـديـن

ثـم عقبهـا وجـه علـى أيـاة يـمـه

[أبــوســيــف]

صح لسانك وقصيدة جميلة جدا

الله يعطيك العافيه

[الرهيب]

صح لسانك وقصيدة جميلة جدا

الله يعطيك العافيه

[عبرة الم]

قصيده رائعه
ربي يعطيك الف عافيه

[قرني حساوي]

المشاركة الأصلية كتبت بواسطة أبــوســيــف

صح لسانك وقصيدة جميلة جدا

الله يعطيك العافيه

صح بدنك يابو سيف .... وأشكر مرورك

[قرني حساوي]

المشاركة الأصلية كتبت بواسطة الرهيب

صح لسانك وقصيدة جميلة جدا

الله يعطيك العافيه

رهيب والله رهيب .... اشكر مرورك اخي

[قرني حساوي]

المشاركة الأصلية كتبت بواسطة عبرة الم

قصيده رائعه
ربي يعطيك الف عافيه

عبرة الم شاكر مرورك .

[أوراق مبعثرة]

قصيدة رائعه
يعطيك العافيه