بـلاد الحـلـم

[أبتسم ياقلبي]

قصيدة .. [ بلآد الحلم ] ..


لـ صآنع الإبدآع ,, الشآعر / أحمد الصآنع

جاني واحد و قال : بسأل كم سؤال,,

وقبل يسأل قلت : أنا ماني خبير !

قال: جاوب بس , يا ولد الحلال

وكل كلمه حِطَّهَا .. فبيتٍ صغير

قال نبدي : شنهو تعريف المُحال..؟

قلت :

خَل هالكلمهـ

فـ البيت الأخيـر ..!

القهــر: إن شفت دمعـات الرجال..

والوطن : ( إنسان ) .. مِتغيِّر كثير,,

والطفل : لعبه على شاطـي الرمال..

والأمل : إحساس في عين الضرير,,

الوفا : [ قلبين] .. يجمَعهُم حلال..

والرَجُل : اللـي علـى أهلـه يغير,,

والرجا : لا قلت : للواطـي تعال..

والفشل : مدري .. ولكنـه مرير,,

والشعر : في وقتنا .. بدر وطلال..

زين وأوَّل : حيـل يعجبنـي جرير ..!

والغلا : إحساس إلى حَـد الخيال,,

والعِشِق : لا شفت مَعشُوقِك تطير..

والجفا : إعكس مفاهيم / الوصال,,

والوَصِل: يعنـي تأكَّـد فيك خير..

والعقل : تِسْفَـه أقاويـل الجهال,,

والجهل : إن قلت عن نفسك كبير..

والخطر : لا صار ما عندك مجال,,

والبلا : إن صرت معدوم الضمير..

والعجب : لا صرت تسأل منهو قال,,

والتعب : إن كنت تِبْحَثْ عن مصير..

الغنى: بالنفس ما هو راس مال,,

والفقر : من كان .. بأعماله فقير..

يكفي يكفي .. أسئله إنهي الجدال,,

ويالله علمني عَن .. السِّر الخطير..

ما أبي تضرب لي في غيرك مثال,,

قول : عنِّك وإعتبر سِرِّك في بير..

جات طعنـه مِن جنوبك والشمال,,

يعني وضعِك بين مِن حُولك خطير..

صاحبـي وإن ضاقت بعينك ليال,,

لك فرشت القلب مفروش الحرير..

في [ بلاد الحلم ].. ممنوع العقال,,

والمصيبه الشعب ما أختار الأمير..

وما ألومك .. كان شدِّيت الرحال..

دام بيتك جرح / وفراشك حصير,,

و هذا تعريفي إلى كلمة : مُحَال..

شي ودِّك فيه ولا يمكن يصير ..!

.

*

رآآآقت لي

[دايم الشوق]

شكر لك يغير الله من حال الي حال في غمضة عيننننننننننننننننننننننننننننننننننننننننننن نننننننننننننننننننننننننننننننن

[أبتسم ياقلبي]

آسعدني تواجدك دايم الشوق

[الرهيب]

طرحا فاق الجمال .. سطر بأنامل متميزة .. تحياااتى