,,, زواج الثانية ,,,

[أبو الفيصل]

بسم الله الرحمن الرحيم
اخواني الاعزاء يسعدني ان اطرح هذة القصيدة الاجتماعية وهي ايضا لا تخلو من الدعابة
اتمنى ان تحوز على رضاكم وذائقتكم ولا احد يزعل
وخصوصا الجنس اللطيف السالفة كلها مزوح
وهي بعنوان ( زواج الثانية)

ابو الفيصل يقول اخذو النصيحة
تـرو بـعـض النصـايح نشـتريهـا

اذا لك بيت والشقة فسيحة
والراتب عشرة لا قصد فيها

زواج الثانية خطوة مليحة
حـلالك كان نفسك تهتويهـا

طبيعي الأولة تصبح جريحة
وتسعى تجيب عـاليها وطيهـا

بتبكي ثم تعمل لك فضيحة
فخذ طقمين لازردي وعطيها

وقـلها واضحـة كلمة صريحـة
سنة سنتين وترضى منها فيها

ولا تظلم ترى عادة قبيحة
بعدلك كل شطحة تحتويها

وعيش وخل نفسك مستريحة
وشم الـوردة اللي تشتهـيهـا

وكل وحدة بجوال وشريحة
سوا وموبايلي والشحن بيها

نصيحة يوم جادة لي القريحة
ترى الفرصة لغيرك ما لقيها

واسف للنساء عذر وسميحة
نصيحـة والعوانس تحـتريها

وسلاااااامتكم

[ياسمينة نجد]

*****************

[ياسمينة نجد]

وشلونك اخوي ابو الفيصل عاد تدري حلو البيت يصير فيه اكشن شووي ( تغيرهاااه ) مير الله العالم في ناااس يمكن يندمون !!!! خالي يدور له مره كان ودك تخاااااويه ؟ وابد خذو الثانيه كانها بخاطركم وانا اختك ولايردكم الا جيوبكم بس لاتنسون قديمك نديمك لو الزمان اغراك ومالحب الا للحبيب الاولي ومشكور على القصيده الزينه

[عبدالله القرني]

قصيده رائعه أبو الفيصل

تبي تورط العالم

وتخرج منها

ههههههههه

يسعدك ربي على الأبيات الأكثر من رائعه

[ذاكررر]

مني الى ابو الفيصل

لاتستر الخوف بذيك النصيحه
والحاجه اللي بخاطرك لاتخبيها

تقدم لأهل الثانيه بخطوه مليحه
دام العشره ماتنقص ولا قصد فيها

وان سالوك بعدين وش ذيك السويه
قل العنوسه زايده في البلد وحنا نحتويها

ههههههههههههههههه
أسعد الله قلبك يابو الفيصل

[عاشق الرعد]

قصيده جميله
و يا ويلك يا ابو الفيصل من البنات
ههههههههههههههه

[اميرة القمر]

رايي زي رأي ياسمينه ( كانها في خاطركم لا يردكم الا جيوبكم ) بس ترا بعدين كل شيء بيصير مضروب في اثنين والعشرة الاف يمكن تصير عشرين ههههههه

[لؤلؤة البحر]

سلام عليكم ..
اولا انا ضد ضد ضد ضد الزواج الثاني .. لعدة اسباب ..
السبب الاول .. جرح زوجته الاولى وكلام الناس مايرحم ..
السبب الثاني .. بناته مابيحس الا بناته ولا الاولاد والله ماهز فيهم شي ..
السبب الثالث .. البيت بيثور كامل بيكون هادى وبعدين بيتحرك صح من جميع الجهات ..
وابوك بيصير مو لكم وبس وتصيرون عايله وحده لا لا لا بيصيرعنده حرمه ثانيه وبتتفرقون هههههههه ابوانكم لا يتزوجون
لاتحزنون عادي الوضع بعدين يطفش ابوك منها ويصير يبغاكم ويشتاق لاولاده وعادي وعادي الوضع

ايجبيات الزواج الثاني ..
اولا .. بيصير والدك العزيز يحب الاسواق والمطاعم ويصير يضحك ويسولف وهو قبل الكلمه بريال وبيصيرينكت وحركات
ثانيا .. بيصير يحبك ويجي عندك كثيرمدري هو رحمه ولا وش السالفه

ملاحظات ..
مو ابو الي متزوج هاذي بنت عمي تسولفلي
ودام راسي يشم الهواء محد محد بياخذ ابوي
شكلي بكتب اسم ابوي هنا بس ان ابوي ينخاف منه صدق ههههه احسه بيتزوج
والبنات الي يتزوجون متزوج وش تبون فيهم وبعدين الرجاجيل مايتزوجون الا علشان يقولون يوه ابو فلان تزوج الثانيه اااه ياقهري بس
ابو الفيــــصل الله يسامحك .. رفعت ضغطــــــــــــــــــــــــي

شعارنا
لا لا لا لزواج ابوي