الشعر لي سلوى

مانيب شاعر ياهل العرف لله
ومالي على نظم القصيد استطاعه

ومالي ومال الشعر دقه وجله
ومالي ومال اهل الذكا والكاعه

وماني من اللي يكتب الشعر فله
ماهو طرب يوم انظمه في براعه

وﻻ كتبته خل يكتب لخله
شعر(ن)غزل وﻻ بلحظة وداعه

لكن قلبي من هموم(ن)تعله
وﻻزمان(ن)كل وجهه بشاعه

يتنفس احزانه شعر ويتدله
ان قصر باع الشعر ون طال باعه

الشعر سلوان الحياه الممله
سلوى فواد(ن) ﻻعه الوقت ﻻعه

الشعر سيفي واحتزم به واسله
اطعن به الضيقه بعزم وشجاعه

ون قالوا ابن سحيم شاعر سجله
حافل بشعر(ن)نستلذ بسماعه

اقول هون واخذ مني اﻷدله
آسف ولكن اعتبرها اشاعه

يابن سحيم النصح مثلك فطن له
عندك على جور اليالي مناعه

مدمت مسلم وفق شرع(ن)ومله
وتتبع امام الرسل راعي الشفاعه

صوم ارمضان وأد فرضك وصله
ترى السعاده في صﻻة الجماعه

ثم زك مالك ﻻتهاون بقله
واغنى كنوز الناس كنز القناعه

والحج أده والشباب استغله
فالذكر والطاعه بساعه وساعه

والوالدين الهدي والخير كله
في برهم ،واسلك طريق السناعه

وفي الختام الشعر دقه وجله
يامدوره مالي عليه استطاعه

مانيب شاعر ياهل العرف لله
ومالي ومال اهل الذكا والكاعه

شعر:عبدالله سحيم القرني

---

hgauv gd sg,n wl,]

رائع .... رائع ....رائع
اخي الطارقي سلمت يمناك
قصيدة في منتهى الروعه

صح لسانك ياخوي الطارقي
ومجهودات تشكر عليها
فلك مني كل الشكر والتقدير

سلمت وﻻهنت يا أستاذ علي .
انت اﻷورع بمرورك الرائع.

صح بدنك اخوي الرهيب وﻻهنت
ولك مني ايضا كل الشكر والتقدير.
اشكرك على مرورك الرهيب.