🌹فقرة تربوية🌹

👈لكل الأهل المحتارين مع الجيل الجديد ازاي نعلمهم القيم والمبادئ في زمن صعب جدا وكل حاجة ضدنا ؟؟؟ هل في أمل أصلًا؟،

بطمنكم ايوة والله لسه في أمل ))
٣ حاجات مهمة في السريع 👇

أول حاجة 👈 ممكن كل أم وأب يسأل نفسه ايه أهم القيم اللي عاوز أغرسها في ولادي؟
اكتبوها... 👇
الإيمان وحسن العلاقة مع ربنا.
الصدق ..
الوفاء ..
العمل الجاد...
وهكذا.....

ثانيًا👈 كل واحد فينا يشتغل القيمة دي في نفسه هو من غير كلام خالص لأن الإنسان عموما والطفل خصوصا بتعلم بالنموذج والقدوة من غير ما يحس أن حد بيلقنه واسألوا نفسكم كام حاجة اخذتوها من اهلكم من غير كلام. هانربي نفسنا عشان احنا قدوتهم.

ثالثًا 👈 أرجوكم ابنوا علاقة حلوة مع ولادكم ، مفيش طريق تاني.
كرسوا لهم وقت. اتكلموا معاهم، اضحكوا والعبوا. ده احسن استثمار . واكتر حاجة تغذي أرواحهم وهم محتاجينها اكتر من أي لعبة أو فسحة أو لبس غالي. إنتوا الأغلي.

👈لما بنتواصل مع ولادنا بحب وعطف وحنان من غير دلع،
👈ولما يشعروا في وجودنا بالأمان دماغهم بتكون مستعدة للتلقي والاستيعاب وقبول كلامنا وخصوصا الجيل الحالي .

👈استغلوا أوقات التقارب والحب واغرسوا القيم.

👈خلوا في وقت نحكي فيه عن القيم باختصار ودون تطويل ، واحكوا لهم قصص الصالحين والشخصيات الواقعية التي أثرت فينا ومواقف من حياتكم ....
👈هايستقبلوا كلامكم ونصايحكم ويتقبلوها وتتشربها نفوسهم من غير مقاومة.

🌹👈 الجيل الجديد بيحب الايجاز وخير الحديث ما قل ودل.. بلاش حديث الثلاثاء المطول

🌹👈أبناءنا ....أبناء الزمن ده مظلومين بندرة القدوات..
عوضوا النقص بتواجدكم وقيمكم وثباتكم.

🌹👈ولا تنسوا أولا وأخيرا
الدعاء لأن التوفيق من عند الله ، وتفاءلوا وأحسنوا الظن

🌿 بارك الله في اولادكم 🌿
🌹🌿🌺☘️🌹

---

🌹trvm jvf,dm🌹 &#trvm jvf,dm&#