سلبي و إيجابي

[مطر البحيري]

قالوا إن الحب سلبي قلت أنا إيجابي
دام قلبي مع خفوقك بالوفا متشابك
ما أحدٍ مثلك غيابه يستفز أعصابي
وما أحدٍ غيري غيابه يستفز أعصابك
تفرح إليا من نصيتك واسمع الترحابي
وإن حضرت أقول ربي يا حبيبي جابك
خابر إنك في خفوقي أنت كل أحبابي
وأبصم إني في خفوقك فوق كل أحبابك
مودعٍ حبك حبيبي في رصيد حسابي
وشايفٍ قلبي بعيني في رصيد حسابك
تزعل وتبكي وتبعد عقبها ترضابي
والصحيح إني أنا ازعل وابتعد وأرضابك
وحدك اللي في الخلايق حزت كل إعجابي
يا بعد كل الخلايق يوم حزت إعجابك
من جنوني فيك قالوا عني الإرهابي
سامح الله عاذليني ما دروا بإرهابك
تفرح إليا جيت عاتب تستلذ عتابي
أبك أنا مثلك أعيّد لا سمعت عتابك
مسكنك في أقصى عروقي وأنت تحت أهدابي
ومسكني في أقصى عروقك واستحل أهدابك
دربك اللي لا مشيته ينتهي في بابي
مثل دربي لا مشيته ينتهي في بابك
ألمحك وسط الزوايا وفي عيون أصحابي
وأنت تلمحني عيونك في عيون أصحابك
تعرف اللي في ضميري دون ما اشكي ما بي
واعرف اللي يجرحك من دون تفصح مابك
والله إن مصاب قلبك اعتبره مصابي
وأدري إن مصاب قلبي تعتبره مصابك
أنت تعشقني بقوة يا الغلا وتحيا بي
وش بقول اللي أنا يا هيه صرت أحيا بك
من يقول الحب سلبي ما يجي إيجابي
ليته يشوف الغلا ما بيننا متشابك
أنت يا اللي في غيابك تستفز أعصابي
والله إني معك دايم لا تثير أعصابك
منقووووووووووووول

[بنت الجنوب]

يعطيك العافيه

[مطر البحيري]

نورت الصفحة بمرورك العطر

[اميرة القمر]

تسلم يمناك اخوي مطر ....

[زيدان]

يعطيك العافيه تقبل مروري

[اهلاوي مووت]

سلمت اناملك ..
يعطيك العافيه

[مطر البحيري]

المشاركة الأصلية كتبت بواسطة زيدان

يعطيك العافيه تقبل مروري

[مطر البحيري]

المشاركة الأصلية كتبت بواسطة اهلاوي مووت

سلمت اناملك ..
يعطيك العافيه