فمااان الحــــــب

[أول بحيـري]

فمان الحب
كالعاده أتيت بهذي القصيده ف السمحوا لها بالمروووووووووووور؟؟؟؟؟؟؟؟؟

آٺرٍڪَمٍـ مٍـعُـ آلَقٍِـــصِـيًـــدُهُـ






فمـان الله يـا لولـو بحـر ماجـابـه الغـطّـاس
فمـان الله يـا أطهر وأبيـض قـلـب حبيـتـه


فمـان الله فـي دنيـاً سعـيـده كلّـهـا أونــاس
هـذاك الـدرب ينتظـرك وأنـا دربـي تنصّيـتـه




نهايـة دربنـا بـاب(ن) تكاثـر عنـده الـحـرّاس
نهايـة دربنـا لغـز(ن) رمعتـه لـكـن أخطيـتـه


نهاية طيب/ في صفحـة وفـا/ وختامهـا نومـاس
وأدوّن قـصـه تجمعـنـا بكتاب(الصدق)سميـتـه



صحيح استأذنك صعبـه ولكـن تتبعـه (لابـاس)
خيالك داخل أعماقي رسخ من يوم خطيتة


وأنا .. يوم أجرع الفرقى ورضيت أعانق الهوجاس
وخاويـت السهـر والنـوم هاجـرتـه وجافيـتـه



عشانك يابعـد عمـري / عشانـك يابعـد هالنـاس
عشانـك يابعـد حـي الشمال ويابـعـد ميـتـه


فديتك00 (زهرةٍ) فاحت وفا/ وإستنعـش النسنـاس
فديتك (مهرةٍ) شوفـه شفـا/ وشلـون لـو جيتـه



فديت (الجمرتين) اللـي يحرسـن لمعـة الألمـاس
فديت (الوجنتين) ولمعة الديجور مع ليتـه


فديت الطـول مـع خصـرٍ تمايـل ضامـرٍ ميّـاس
فديت الزول لو بوصف تعبـت أوصـف ولا أوفيتـه



فديـت الشامـه ورمـشٍ طويـل وناظـرٍ نـعـاس
وشعر(ن) ضاعـت إيدينـي بسـواده يـوم فلّيتـه


فديتـك كلّـك وكلي قصيد يتعب القرطـاس
فديتـك كلّـك وكلّـي مشـاعـر لـكـن أزريـتـه


أجل وشلون أترجم لك مشاعـر مـا لهـا مقيـاس
وشاعـر جامـعٍ هم الليـالـي فــي تناهيـتـه


وأنا لامن عشقت أعشق على وضح النقـا نبـراس
يـدويً لاسمـع طـاري الخيانـه ينتخـي بصيتـه


ياليتك طيـف فيبالـي تلاشـي بحضـرة الجـلاس
وقلبـك ماعـرف قلـبـي ياقلـبـي آآآآه ياليـتـه


زمن قاسي00بشر أقسى00 قلـوبٍ مابهـا إحسـاس
زمـن حلّـل القتـل طفلـه وطفـلٍ لاهـي ف/بيتـه


زمـن فيـه الوفـا كلمـه تخـط بأبيـض الكـرّاس
زمـن لـو نـزّل دموعـي يسمعـنـي زغاريـتـه


حياتي 00دامهـا شـادت بجوفـي مملكـه للـيـأس
أبـي تقـرى نهايـة درب علـى شانـك تخطّيتـه



خلاص (أستسمحك) برحل كما حـرٍ كفـخ قرنـاس
نصيـت الـدار يـوم الــدار نادتـنـي ولبّيـتـه


بقالك كلمتيـنٍ تحتهـن خـط ومـا بيـن أقـواس
(فمان الحـب) يـا أطهـر وأصدق قلـب حبيتـه



مما راق لي..



& أول بحيـري&

[القمر]

خلاص (أستسمحك) برحل كما حـرٍ كفـخ قرنـاس
نصيـت الـدار يـوم الــدار نادتـنـي ولبّيـتـه


بقالك كلمتيـنٍ تحتهـن خـط ومـا بيـن أقـواس
(فمان الحـب) يـا أطهـر وأصدق قلـب حبيتـه


صح لسانـــكـ

[أول بحيـري]

صح بدنكِ.
وبصراحه مرورك أسعدني كثيراً...

[بريق الماس]

بقالك كلمتيـنٍ تحتهـن خـط ومـا بيـن أقـواس
(فمان الحـب) يـا أطهـر وأصدق قلـب حبيتـه

ذائقة متميزة راقت لي

صح لسانك ولسان قايلها

[مطر البحيري]

يسلموووووو
ننتظر جديدك

[صمتي مهابه]

ماشاء الله وش هالذائقة
بارك الله فيك