اليا حضرت احضر براس الغنيمه

[الطارقي]

لساني أطرم عن كلام النميمه
والاذن عن سمع النميمه تصمّا

والعين عميا عن فعولٍ لئيمه
والراس هذا للحميه تحمّا

والرجل عرجى عن طريق الظليمه
مدام لي صدرٍ جمع جزء عمّا

ان غبت أغيب الا عن اهل الشتيمه
تاكل من الأعراض لحمٍ ودمّا

واليا حضرت اخضر برأس الغنيمه
واخاوي اللي فـ المواقف تسمّا

واليا عديت أعدي براس الصتيمه
واليا طلب فـ الصلح باقول تمّا

واللاش ماله فـ المجالس عزيمه
كلٍ عن افعاله يشوم ويزمّا

غصنٍ خضر والليل لـ اقبل نسيمه
معه تمايل بين كيفٍ وكمّا

وبعض الوجيه من المعاصي ذميمه
بفعالها دايم تسب وتذمّا

وبعض الوجيه من العباده حشيمه
هذا وجوده فـ المجالس مهمّا

اما لقيته منه كلمه عظيمه
ولى سكوته كان درس ملمّا

شعر : عبدالله سحيم القرني

[abuzeed]

صح لسانك

[علي بن قحمان القرني]

صح لسانك ولافض فوك

[الرهيب]

صح لسانك وعلا شانك يالطارقي