يازينها....!...

[المعلم]

ماني عارف وايش أكتب من أبيـات من يوم شفتها و أنا مدري ايش فينـي

ماني عارف وايش اقول من كلمـات شفتها ونسيت النوم والنـوم نسينـي



من لون عيونها ضاعت كل العبارات من يوم شفتها ما قدرت أبعد عينـي

للحين ماني مستوعب ذيك اللحظات الظاهر اني فيها انجنيت الله يشفينـي



يوم شفتها تبتسم في وجهي ابتسامات حسيت الشمس أشرقت على جبينـي

شفايفهـا وردة ! لا والله انها وردات وخشمها سيف يجرحني و يداوينـي



فديت عيونها وفديت ذيك النظـرات فديت خدها بروحي وأيامي وسنينـي

صوتها كأنه أنغام وألحان و مقامـات نادتني و ياويلي عليهـا يوم تنادينـي



صوتها دوا لكل الأوجاع والآهـات وحضنها الـدافي من دفـاه يدفينـي

شفتهـا ولا شفت مثلها بين البنـات يازينها ومن زينها ضعت مدري وينـي



أحلف انها ملكة جمال كل الملكـات وأنا والله اذا حلفت أصدق في يمينـي

ما أقدر أوصفها بالأشعار والأبيـات لأني من يوم شفتها مدري ايش فينـي

[ابورزان]

شـكــ وبارك الله فيك ـــرا لك ... لك مني أجمل تحية ويعطيك الف عافية
ويازينها قصيدة ويازينها مشاركة وزين كاتبها.

[عاشق الرعد]

شـكــ وبارك الله فيك ـــرا لك ... لك مني أجمل تحية .

[أبو عماد]

يا زينك يا معلم
تسلم يمناك يا مبدع

[المعلم]

تسلمون اخواني الزين زين عيونكم الحلوة احبابي ابو رزان عاشق الرعد ابو عماد