رسوم وتصاوير ( جديدي )

[سالم الحارثي]

رسوم وتصاوير ( جديدي )

( رسوم وتصاوير )


دعيتها افكاري وجتني طوابير
وابحرت في عالم غريبه طباعه

وابصرت من حولي رسوم وتصاوير
من كثرها جابت لقلبي التياعه

بعض الرجال احرار غر(ن) مغاوير
حمر النواظر مابهم من طماعه

بيض الايادي في الليالي المعاسير
لطّامة العادي تكسر ضلاعه

دارت عليهم دايرات المقادير
وغدوا على حد الفقر والمجاعه

وضاعت أمانيهم وطارت مع الطير
والباس قارب فل فيهم شراعه

وبعض الرجال تدور الشر تدوير
سود الوجيه مفرقين الجماعه

أهل الحسد نقالة الهرج تزوير
أهل النفاق مخرّجين الإشاعه

وبعض الرجال ابشر بهم حزة الخير
أبشر بهم في السعد سمع(ن) وطاعه

ضحكاتهم لك مثل وقع الدنانير
والحكي مثل الشهد يعجب سماعه

واليا أقبلت دنياك عجف(ن) معاصير
والوقت وسّم فوق صدرك وجاعه

جتك الوجيه الشهب سود(ن) مناكير
وكل(ن) تجهم لك وطيح قناعه

وبعض الرجال أكبر كذوب(ن) وسكّير
يرتز في ثوب(ن) وغتره وساعه

تسمعه طول الليل مع مي وسهير
ألوه قلبي مولع(ن) بك ولاعه

أنتي الوحيده دون كل البشر غير
وش ذالجمال الي سرقني شعاعه

وجته البنيه ضايعه دون تفكير
واخذ شرفها وانتزعه أنتزاعه

واحكم عليها السيطره دون تخيير
ايسوقها لخوياه مثل البضاعه

وبعض الرجال بمجلسه كنّه الزير
وليا دخل حرمته تلوي ذراعه

أتوجهه من وين ماودها يسير
مثل الخروف معلق(ن) من كراعه

وبعض الحريم اليا اقبلت كالعصافير
تسعدك بالبسمه وكنز القناعه

واليا أمرت تقول لك سم ويصير
تزرع لك الفرحه بقلبك زراعه

وبعض الحريم اتشيبك وانته اصغير
تبحث عن الإشكال تبغا اختراعه

واليا حكت شبت بقلبك دوافير
ويضيق معها البيت رغم أتساعه

وبعض الحريم اليا لفوها مسايير
تفضح خفايا البيت كنها الإذاعه

تشكي عليهم زوجها دون تقدير
تقول خذ مني مصاغي وباعه

وبعض الحريم تحب بعض المشاهير
تطبع صورهم بالفنايل طباعه

وتحب سهرات الطرب والمزامير
وتسير في الأسواق غنج وصياعه

هذي وقايع جبتها شبه تحذير
أحسها بالصدر مثل الوداعه

كتبتها بالحق ماهي أساطير
عسى اللبيب ينال منها انتفاعه

كتبتها لاهل الوجيه المسافير
اهل الصقور مروضين السباعه

أهل الكرم مايحسبون المخاسير
حمّالة البلجيك فخر وشجاعه

وصلوا على محمد نبي التباشير
حبيبنا في الحشر راع الشفاعه




قصيدة أخوكم /

ســــــــــــــــــالم الحـــــــــــــارثي

المصدر: منتديات بني بحير بلقرن

---

vs,l ,jwh,dv ( []d]d ) p]d]d vs,g

[مطر البحيري]

كتبتها لاهل الوجيه المسافير
اهل الصقور مروضين السباعه

ماعليك زود يالغالي
صح لسانك قصيده جزله من شاعر كبير ذو خيال خصب وإبداع لا متناهي كما عودتنا دائماً محلقاً في سماء الابداع
ننتظر منك المزيد والجديد
ولعيونك أحلى تقييم

[قرني حساوي]

وضاعت أمانيهم وطارت مع الطير
والباس قارب فل فيهم شراعه
........
ابداع + جمال + تصوير = سالم الحارثي .

[شموخ انسان]

قصيده جميله جداً جدا جداً الله يعطيك العافيه يابو سلطان