يمه الغربة وفرقاك ملتمة .. دمعة العين هذه مالها داعي ..

[بنت الجنوب]

شاعر الاندلس (ناصر القحطاني) - يمه الغربة بصوت فهد مطر

يمه الغربة وفرقاك ملتمه

دمعة العين هذي مالها داعي


يابعد راسي انتي ليه مهتمه

الوجع لي سواة الناي للراعي


آخر أخباري الذمه هي الذمه

والوصايا هذيك تقدي شراعي


مابه الا السواد يحاود اليمه

ولا به الا البياض اللي ورا أضلاعي


وأشعل ما يفارق ليل حضن امه

وأخضر كل صبح من أول أتباعي


يتعب البرق ما أتعب النظر يمه

وانشديهن بعد ما قلت أطماعي


أنجبن لي عروسة حلم أضمه

أو بعد توها تشرب عطش قاعي


واذكري كيف كان العود ابو عمه

ايتعلى صهيله وأرخي أسماعي


امنياتي بدرب ودي أتمه

آخره صعب وأصعب منه مرجاعي


يوم كلن فزع له خاله وعمه

يكفي اني وردت العد بذراعي


أرفع الراس بين الروس ما همه

وأتباهى وأنا الغرقان بأوجاعي


يمه الحر طبعه يعشق القمة

وأنتي اللي فطمتيني على أطباعي


الهواء دام راسي حي ويشمه

والله اني لاسوق هناك ذعذاعي


غربة تلوي ذراع أشجع الخمه

لا تخافينها لو تقلب أوضاعي


يمكن تبعثر الرجال وتلمه

بس بدري عليها تلوي ذراعي


للإستماع والحفظ
هنا

[مطر البحيري]

ربي يعطيك ألف عافيه

[كبرياء انثى]

مشكوره بنت الجنوب رائع واكثر من رائع يسلموووووووو

[أخفـ( غلاكـ )ـي]

شكراً لك صوته جميل جداً

بالتوفيق إلك

[عـ القناص ـزوز]

موضوع مميز
الله يعطيك العافية

[بنت الجنوب]

شاكرة مروركم جميعاً