والله لآ أقفي عنك....اسستغفر الله

[تــرف]

.

.

.

ماهو بكفو الوقت حبك يمحيه

يالي تخاف صروف الايام تمحاه

ارتاح دام ان المواصل يقويـــه

انت انت وانا انا وقلبي هو وياه

حتى ولو بتغيب ذكراك تكفيه

ياواحد تكفي عن الناس ذكراه

حبك على رملة خفوقي مواطيه

ورياح عذلي عنك ماتمسح خطاه

والي يعذل القلب عن درب غاليه

الله بما يـبلا المواليف يبـــلاه

اخفيه يا بالفيت والحال يبديه

ادنات واحد ينظرالحال يقراه

مخفيه فيه ومعتن ن به وحاميه

عن كل عين ودها تنزل حماه

قلب يحبك والهواء الذرب ماليه

كانك مكذبني بعينك تحلاه

شرط ان تشوفك فيه ما انت بحواليه

ويمكن تشوف ديار واماكن رعاه

وتشوف به تمثال والوقت هاريه

وبتشوف زرع ن ميت وواقف ن ماه

وبتشوف جرح ن فيه سكين راعيه

راح ونسى السكين والجرح ينخاه

وبتشوف حصن ن عج الاقدار سافيه

وبتشوف باقي بيت راعيه خلاه

لا تنزعج هذا خفوقي وباقيه

ولا تضايق من تصدع زويــــاه

قد زلزله فرقا وهزت عراويه

والله ستر والحظ عانه وعافاه

وكانه صلح لك واعجبك زيد تبنيه

ابنه وجهزللمقابـيل مبنـــــاه

ابيك بس من المفارق تداريه

وازهل من يداري شعورك ويدراه

وحلل وحرم فيه يا ابرك بلاويه

وحله وراع ارضاي وارضاك وارضاه

جعلك بعد بعض الوجيه امحق اوجيه

ناس مراتعها الرفيق بتقفاه

انواع واخطر نوع مانيب ناسيه

نوع ن على تفريق الأثنين مسعاه

تلقاه دوم وكل يوم ن تلاقيه

وأليا بغيته صدق ماعاد تلقاه

والا انت ردك كل ما ادعيك لبيه

انا اشهد ان ما انتوا بعيني اشباه

ما انت بمع العالم ولاتقول لي ليه

انت ادرى مني وش جوابي وفحواه

كذيه ومن الله يازين واليـــــــه

واغلا طروش القلب وادواه من داه

الحلم ياتيني بزولك واراعيه

وفي كل حلم اقوم قبل اتحفاه

واعشق سميك بالبزارين وادعيه

واقبل خطاه اليا اخطاء واتلقاه

واسمك يروعني ألى مر طاريه

واحب ملقوف ن يسولف وطراه

وامر بيتك من بعيد ولااجيه

وانا لو انه في يدي مااتعداه

حتى تواير موتري تلتفت فيه

تبغي تلف ويستحي العقل والجاه

وصلك يخيط الصدر والبعد يفريه

ويا بري حالي كان صديت برياه

ويلي على ادري حبنا ويش تاليه

ويلي على ادري وش ورا الغيب ويلاه

على شان اشوف اذا محبتك ترفيه

والله لا اقفي عنك ........ استغفرالله

.

.

.

لامست أوتار قلبي

[ح ـلــم]

الحلم ياتيني بزولك واراعيه

وفي كل حلم اقوم قبل اتحفاه

ترف
أتعبتي حروف الثناء يَ أنيقه
لروحك الورد..

[أبو الفيصل]

حبك على رملة خفوقي مواطيه

ورياح عذلي عنك ماتمسح خطاه

والي يعذل القلب عن درب غاليه

الله بما يـبلا المواليف يبـــلاه


للروعة حضور بحضوك يا ترف
ودائماً ذوقك راقي.دمت بود

[abuzeed]

شـكــ وبارك الله فيك ـــرا لك ... لك مني أجمل تحية .

[يــزن]

المشاركة الأصلية كتبت بواسطة تــرف

.

.

.

ويمكن تشوف ديار واماكن رعاه

وتشوف به تمثال والوقت هاريه

وبتشوف زرع ن ميت وواقف ن ماه

وبتشوف جرح ن فيه سكين راعيه

راح ونسى السكين والجرح ينخاه

وبتشوف حصن ن عج الاقدار سافيه

وبتشوف باقي بيت راعيه خلاه

لا تنزعج هذا خفوقي وباقيه

ولا تضايق من تصدع زويــــاه

قد زلزله فرقا وهزت عراويه

والله ستر والحظ عانه وعافاه
.

.

.

حضرت هنا بصمت
ولكن لن أغادر بصمت
لأنكِ مبدعه
لأنكِ متألقه
ذآئقةٌ رآئعه

سلمت انآملك

لطفاً تقبلي تقييمي

لروحك وطن الفرح والسع ـآدهـ .،

[تــرف]

ح ـلم ، ابو الفيصل ، ابو زيد ، يــزن

اسعدتني اطلالتكم

ومروركم الطيب

دمتم كمآإآ تحبون

[روح الأصيل]

صح لسانكـ وسلمت يمينكـ
على ما نثرتيه هنا من معاني رآئعة
اخترتي فـ ابدعتي الآختيااار غاليتي
بأنتظار روائع اطروحاتكـ
ودي وعبير وردي ..

[الرهيب]

يعطيكـ العآفيه ياترف
أبدعتـي في طرحكـ
وراق لي كثيرا
دمتـي ودآم أبدآعكـ
ودي وعبير وردي~