||بَسمــةٍ ة ة صَـفرا ؟. .

[ح ـلــم]

يامعانق الريح خل الريح واحضنّي...
..............بكرة تجف الجهات وتَبْلَش بْمَسرى..
أشرعت مدَّك لرمل التيه متهنّي..
..............بالملح تكتب ومن غير الصبر يقرا..
عن خاين الدمع هات الدمع لو : منّي..
..................ودّي أمرك بَليَّا بسمةٍ صفرا..
بفتحلك الأرض مثل الجرح...وادفنّي..
..............أجرح لك البال مثل الضيق للأسرى..
ماجاد جفني لـ غيرك لو بدا كنّي..
..............بيْسار عيني رَميت الدمع للأخرى..
طيّرت بعدك سماي وجيت متعنّي...
..............لآخر حدود الجناح وسدرة البُشرى..
مريت بـ اول فصول الغيم متغنِّي...
..............وانبح حزني وأحسك كنت بي أدرى..
مارحت شاري ولكن جيت ترهنّي..
..............للعمر/ للحلم/ لـ اصدق نبض مايُشرى..
يكفي بأني نزفتك قبل تطعنّي...
..............ناديت لكن خذلني صمت هالقفرا..
ليت لضلوعي يقينٍ وامعن فـ ظنّي..
..............لكن زفيري نشب فـ الروح واستشرى
ماكنت نجمٍ جديد الضي..متبنِّي..
..............طفلي صباحٍ يمد النور للقمرا..
لو كل طيرٍ لقى لي روح تسجنّي..
..............ماكنت عايش ادور عش للذكرى..
والحين جيتك وكان الدمع مو منّي..
..............اجهشت لكن حضرت ببسمةٍ صفرا..


طبتم . .

[دايم الشوق]

شكر لك ح لم مجاد جفني اغيرك ولوبدا كني بيسار عيني رميت الدمع للخري طوقتي با لتجادب نحو ابحار من الفرحة واحتواها دهول النرجس في دايقتك الحالمة

[ح ـلــم]

كل الشكر
دايم الشوق..

[ابو شزن]

أبيات في قمة الروعة والجمال
يسلموووو

[عون القصـاص]

كلمات رائعة من أول حرف الى أخر حرف ... " صح لسانكِ "

تسلم أناملكِ ... على هذه القصيدة

يعطيك العافية

[ح ـلــم]

المشاركة الأصلية كتبت بواسطة ابو شزن

أبيات في قمة الروعة والجمال
يسلموووو

أنرت المكان.

[ح ـلــم]

المشاركة الأصلية كتبت بواسطة عون القصـاص

كلمات رائعة من أول حرف الى أخر حرف ... " صح لسانكِ "

تسلم أناملكِ ... على هذه القصيدة

يعطيك العافية

أنرت المكان.

[الرهيب]

طرحتي فابدعتي
دمتي ودام عطائك
ودائما بأنتظار جديدك الشيق
لك خالص تقديري
سلمت اناملك الذهبيه على ماخطته لنا
اعذب التحايا لك