نصيحه مني عفي زوجك 💕💕

[الرهيب]

نصيحه مني عفي زوجك 💕💕

لان عفه الزوج مش معاشره وبس ، كل راجل احتياجاته مختلفه عن التاني
اساس الزواج انك تعفي زوجك .. وظيفتك من يوم ما اتجوزتي ..
انتي كزوجه مطلوب انك تعفي زوجك بحسابات زوجك ، بحساباته هو ، مش بحساباتك انتي !
لو زوجك يتعف بالمغازله .. عفيه بالمغازله
لو زوجك يتعف بالأكل ، نوعيله في اكله
لو زوجك يتعف بالنظافه ، خلي بيتك علي سنجه عشره
لو زوجك يتعف بالاولاد .. عفيه بالاولاد
لو زوجك يتعف بالمنظر ، لبس وصبغه وكوافير وجيم ، عفيه بده
لو زوجك يتعف بانه عايز حد يتكلم معاه
اتكلمي معاه بعيد عن الواد والبت والطبيخ فضي نفسك ليه واتكلمي معاه بدل ما يدور علي اللي تتمني تفضاله ...
لو زوجك رومانسي كوني رومانسيه ، عملي خليكي عمليه ، اجتماعي خليكي اجتماعيه
هتقوليلي ودوره هو ايه ؟ هقولك ليه دور والف دور كمان ، بس احنا في بلد بتفرم الرجاله ، ماتكونيش مفرمه معاهم ، دي نقطه
النقطه التانيه : كل ست تقدر تخلي جوزها يجي زي الحمل الوديع يشرب من ايدها ..
الدفه في ايدك انتي ...
دايما تلاقي واحده تشتكي من انها عامله لزوجها كل حاجه ومش عاجبه ، لا هو مش عاجبه ، هو حساباته غيرك ومش هيطمر فيه لانه مش عايز ده .. الموضوع بسيط ..
هو اصلا مش عايز كل ده يكون علي حسابه ، هو عايز يجي يلاقيكي صاحيه تحكي معاه شويه حتي لو قصرتي في الباقي هو عايز كده
غيره عايز يجي يلاقي العيال مصحصحين وقاعديله ، غيره عايز يرجع يلاقي شموع وورود ، غيره عايز يرجع يلاقكي علي سنجه عشره .. المهم هو عايز ايه مش انتي فاضيه لايه
وهتتسألي عن ده ، عن عفه زوجك ، لانك انتي مسؤله عنها واعرفي انك لما بتعفي زوجك بتعفي مجتمع بحاله لان ساعتها جوزك مش هيبقي زي المسوخ اللي في الشارع دول ..
تاني بقولك : عفي زوجك بحساباته هو ، لا حساباتك ولا حسابات اهلك .. ومترحيش تشتكي لصحبتك لا صحبتك بتعف زوجها بحسابات زوجها واللي هي مختلفه عن حسابات زوجك فمش هتفيدك بحاجه
انتي كده عملتي اللي عليكي معاه وتمام وعلاماات ان ده تمام انك تلاقيه مايبصش بره .. هو عامل زي واحد شبعان قاعديه علي سفره مش هيبص لحد لانه شبعان حتي لو مقالش بس هو شبعان ..
👈 وخلاصه القول ....
ماتحكيش لحد علي مشاكلك ، الحسابات مختلفه من بيت لبيت وممكن يتهد بيتك مش يتعمر وهما ما يقصدوش
ماتحكيش لانك كمان وانتي بتحكي تتصابي بعين في حاجه بتعمليها وغيرك مش عارفه تعملها
يا أختي العزيزه حافظي علي بيتك والله الطلاق ده حاجه بشعه و 90% من اللي عملوه ندموا وان لم يعترفوا بذلك
يا اختي انتي لو قعدتي اتكلمتي مع زوحك وفهمتوا بعض 80% من مشاكلكم هتتحل لا دي مش هتحصل من أصله.
وانت كمان عف زوجتك ... عفها بالستر عفها بعدم الاهانه عفها برضا عفها بانك متبصش لغيرها عفها بانك تكون سندها عفها بالأمان عفها بكلمه حلوه تهون عليها تعب اليوم والاولاد عفها بانك متقلش منها قدام اهلك عفها بانك متقولش عيوبها وتتريق عليها
ليك دور زى ماهي ليها دور

عفها وعفيه العفه في راحتكو نفسيا ومتبقوش اناننيين👌
خلص الكلام يارب تكون وصلت
الدكتور عادل عامر مصر دكتور القانون العام والاقتصاد وكاتب وشاعر وخبير أمن المعلومات

المصدر: منتديات بني بحير بلقرن

---

kwdpi lkd utd .,[; 💕💕 &#&# ut]