×× ينعش فؤادي نسيم البــــر وهبــــوبه ××

[شذى الجنوب]

قصيدة للشاعرة الراسية ,,اعجبتني فنقلتها لانها عيشتني جو البر وحياة البادية الطاهرة..

بيت الشعر عنـك مانوّيـت بالتوبـه 000 ولانويت أبتعد عن حمر الأطعاسـي
أستهوي الضو بوجه البيت مشبوبـه 000 وأستهوي البن يحمس وسط محماسي
وأشفق لشوف الغضى يبسٍ ومحطوبه 000 وشوف الدلال الصفر يبري تعوماسي
وأفرح بقرم(ن)يكر النار فـي ثوبـه 000 وريحة غضاها يرد الروح لأنفاسـي
وأسعد بشوف الحلال وحزة غروبـه 000 الى ضوت للعشا تقرع بالأجراسـي
والبل تبغي العشا ترغـي ومشعوبـه 000 والراعي اللي مع الحيران محتاسـي
يازين شوفة نجوم الليـل مصحوبـه 000 مع بدرها اللي ينور عتم الأعماسـي
ينعش فؤادي نسيـم البـر وهبوبـه 000 وريح الخزامى الياهبـت بنسناسـي
والمهره اللي عسفها العـود بسلوبـه 000 من دون سرجٍ ركبها عالي الساسـي
وشيهانةٍ للقنـص تطلـع ومطلوبـه 000 تطلع بعيـد وغلاهـا مالـه قياسـي
بنت البدو شيخـة فطنـه ورعبوبـه 000 تعوذ مـن كـل شيطـانٍ وخناسـي
الى لفا الضيف مثل البـرق لهلوبـه 000 سيفٍ تصاقل فملعب كل الأجناسـي
ماعمرها جات مخزومـه ومغلوبـه 000 غنـدورةٍ والعقـل أنفـوذه سياسـي
مرغوبـةٍ حيـل ايـوالله مرغـوبـه 000 من مجلسٍ النشامـى فيـه جلاسـي
يا نار أكلي حطـب00 ماعندناتوبـه 000 حنا بدو دايـمٍ نمسـي فالأطعاسـي

[دايم الشوق]

يابنت النور يعطيك العافية على القصيدة العربية