قصيدة البيعة

سلمان يارمز الوفا والعداله
شكل وزاراتك على ماتبيها

وأصدر قراراتك بعزم وبسالة
الممكله في عهدكم ماعليها

احنا لكم منا الولا وامتثاله
والبيعة الغراء وما يقتضيها

من الجنوب لين تاصل شماله
الصف واحد والحما نحتميها

النايف محمد نرد آلولى له
ونبايعة بيعة شرف نرتضيها

هذا ولي العهد والطيب فاله
كل المكارم والشيم يحتويها

اليا عطى مايعطي الا الجزالة
واليا بطش بعداه يلوي يديها

ونبايع الضرغام سيد الشكالة
بيعة بدم رقابنا نشتريها

محمد السلمان والمجد ناله
لانه على جسر القياده نزيها

برق السعد فاله ويمطر خيالة
برض الجزيرة حضرها وابدويها

الكل يهتف بالولا من قباله
عاشت بلادي والسعد معتريها

كلٍ يقدم دون داره عياله
ان كبرت القالات نرسي عليها

عدونا يبصر بعينه مآله
واللي يصالي نارنا يكتويها

هذا ولا ننسى زعيم الجلاله
ادهى دهاة العْرُب وأعظم بنيها

طالع على فيصل كريمه خصالة
زلزل عروش املوك شوره وجيها

اسعود دولة فـ الجزيرة لحاله
في ظلها عاشت دويلات فيها

سياسته كوكب يشعشع هلاله
منها المهابة والصرامه اليها

الحمد لله والسعودي مجالة
للشرع واجياد الشرف معتليها

والمملكة غادة بقصرٍ ظلاله
يظلها ومن المخاوف ياويها

سلمان ستر البنت تشرب زلاله
تتيه في حضنه من الشوق تيها

الممكله مهد الوحي واكتماله
في تُربها الطاهر وحنا ذويها

اعشق ثراها والهوى في جباله
فيها كؤس اهل الهوى محتسيها

شربتها شرب الولع لـ الثماله
حتى ثياب أمجادها مكتسيها

ياسيدي سلمان رمز العداله
شكل وزاراتك على ماتبيها

وأصدر قراراتك بعزم وبسالة
نرضى بحاجة فـ البلد ترتضيها


شعر / عبدالله سحيم القرني

---

rwd]m hgfdum

صح بدنك

صح لسانك