رسالة أم عبدالرحمن (الجزء الرابع من قصة أستوقفتني)

[غصن التوت]

رسالة أم عبدالرحمن (الجزء الرابع من قصة أستوقفتني)

طبعاً قبل ما أبدأ في قصتي لهذا اليوم ..! هذي هي صورة عبدالرحمن ولكن رفض التصوير بس غصباً لألتقط صورة له ومو واضحة ..لأنه رفض فكرة أني أصوره ..

نبدأ القصة :

الفصل الأول من الجزء الرابع ..!!

دخلت البيت يوم الأربعاء (أمس) وفرشت سفرة الغداء وتغديت وجمعت باقي الغداء ووضعته في موضع النفايات بالمطبخ..وقمت من أجل أن أغسل يداي وأركب ببراد الشاي ككل عزابي يحب الشاي بعد الغداء مع العلم أنه يستهويني كثيراً مع الحبك الديراوي اليابس الذي بدأ ينفذ من علبتي التي أحضرتها من الديرة في أخر زياره لي لها قبل شهر ..عد للمجلس ومعي براد الشاي وكوبي الزجاجي الكبير وصبيت الشاي .. وفاحت رائحة الحبك التي غمرة أنفي وستلذتها شهيتي..جلست وأخرجت الورقة من جيبي .. فتحتها .. قرأت ما كتب فيها ..
سالت دموعي ..
توقفت شفاتي عن ترديد حروف الرسالة ..
عدلت جلستي ..
بقيت مذهولاً من ما كتب فيها ..
سألت نفسي لماذا كل هذا ..؟
وليه أنا بالذات يكشف لي هالسر ..؟
وليه عبدالرحمن بذات ..؟
حطيت يدي على رأسي ..!
قمت من فوق الكنبه رحت غسلت وجهي ..عزمت على النزول للشارع أدور لعبدالرحمن أو خليل بس أبي أتأكد هل إللي في الرسالة صحيح ولا كذب ..كنت أقول في نفسي ممكن أمه تعمدت تكتب كذا عشان أبتعد عن عبدالرحمن ولا أتعلق به..! كنت أسأل نفسي ليه يا أم عبدالرحمن كذا وليه تقسي علي بهالرسالة ..؟ رجعت جلست جاء أحد أصدقائي فالشقه وأسمه جابر السهيمي ..سألني علي وش فيك عسى ما شر عسى الأهل في الديرة مابهم شيء .. قلت : لا جابر والله الكل طيبين .. قال : طيب وش فيك عيونك حمر ,, قلت: لا بس عندي حساسية في عيوني دايم تجيني في الصيف ..قال: صب لي شاي ..قمت المطبخ أجيب بيالة شاي وغسلتها لجابر ..ورجعت .. وآآآآه ياليتني مارجعت ..أنصدمت صدمه ثاااانية ..الورقة في يد جابر وجابر جالس يقرأها ويحدق بعيونه فيها ..وبدأ يقول بسخريه : من هي أم عبدالرحمن ووش قصة هالولد..؟ ووش السالفه أصلاً ..؟ قلت : ياجابر مالها داعي حركتك هذي والله مال أمها داعي وليش تقرأ شيء مالك دخل فيه ..؟ قال: جابر هت البيالة بس وقلي وش سالفة هالرسالة ..؟ قلت : جابر أبيك توعدني ماتقول لأحد وش في هالرسالة ..! قال أبشر وأنا أبو أحمد ..بس قلي وش السالفة ووش عند عبد الرحمن هذا ومن يكون ..؟ فقلت له السالفة ((من يوم رمى عبدالرحمن نافذة غرفتي إللين الرسالة أللي قراها هوه ذحين..)) قال : طيب وش بتسوي ذالحين وهل بترد على الرسالة حقت أم عبدالرحمن ؟ بس أنتبه أمكن زوجها يكشفك يعتبرها خاينه وتتسبب في خراب بيوت ياعلي..! قلت : والله ما أدري وأنا أخوك ..فكري مشتت..ما أدري وش أيسوي ..! وما أبي أفقد عبدالرحمن لازم أقدم روحي فداه والله ياجابر مايستاهل هالولد والله مسكيييين والله مسكين ياجابر .. قال : يااارجال هد نفسك ومدام عمه مو شايل همه قدك فبكيفهم ..قلت : ياااجابر هذي رووح وطير باقي من طيور الجنة وحرام أللي قاعد يصير والله لازم نسوي شيء ..قال : طيب وش بتسوي .. قلت :عندي فكرة بكرة بكتب قصة عبدالرحمن في ورقة بأختصار وبعطيها مدير الشركة اللي أشتغل فيها أنا يوم السبت الجاي وأنا متأكد أنه ما بيقصر معي ياااجابر ..قال جابر : يا أخي والله ما يلتفت لوه هذي العملية ما تتسوى إلآ خارج المملكة ولازم في أمريكيا وعيناتها ..! والاردن والبحرين كذااابن معهم بس يأخذون فلووس على الفاضي .. قلت يا أخي : أنا أعرف مدير الشركة طيب ورحيم ودايم يساعد المساكين والمحتاجين وبما أني السكرتير الخاص حقه أكيد يصدقني وبيقدر عبدالرحمن ومرضه هذا ولاتنسى لي معه 4 سنوات يعني عشرة عمر وبيقدر..

طبعاً نسيت ماقلت لكم وش في الرسالة بس والله ما أبي أصدمكم لكن لابد أن تدرون وش السالفه ..

الرسالة تقووول :

أخي الكريم :
بعد التحية
أنا أم عبدالرحمن وولدي عبدالرحمن حكالي عنك وعن طيبتك ونصائحك والله يكثّر من امثالك يا أخوي ..انا ما ادري وش اقول بس ما ابيك تتعلق في عبدالرحمن وتعلقه فيك لانه مريض وايامه حسب كلام المستشفى قليله ومكن يموت ..أكتب لك هالرسالة وقلبي يتقطع على حاله.. وأنا أشوفه فرحان بحياته ويروح المدرسة ويقول يبي أرامكو ..أبكي لحاله لأني ( أم ) تعذبت يوم ولادته وأنجبته كأول ولد وآخر ولد لها لأنني ما عاد أقدر أنجب بسبب مرض خبيث أصابني..يعني هو وحيدي وهو حيلتي اللي خرج فيها من هالدنيا ..عبدالرحمن يا أخي مصاب بمرض خبيث عجزوا يعالجونه كل المستشفيات وديناه الرياض والاردن والبحرين ويأسنا من حياته لأن عنده (( ثقوب فالرئتين وأنسداد في شريان من شرايين القلب وتعطل في أحد الكلى )) ومايقدرون يسوون له تغطيه لهثقوب ..وممكن يموت لاسووا له عمليه وحنا حاولنا لكن وصعبه يخدرونه عشان يسوون له عملية لأن رئتيه ماتتحمل التخدير وضعيفه جداً الامل بيد الله كبير وأنا أصلي ليلي وأدعي كل ليله أن الله يأخذ عمري قبل ما أشوفه ميت قدامي.. ما ابي أفقد عبدالرحمن لكن أنا مؤمنه والله مايخيب ظن عبده فيه .. عبدالرحمن يحاكيك حتى في منامه ويزيد من همي ..وأنا أرجوك لا تتعلق فيه لأنه حبوب وخسارتك له بتحطم حياتك وحبيت أقول لك أخي حتى تبتعد ولا تحرق قلبك بشء أنت بعيد عنه..
الله يشفيه لنا يارب
اختك أم عبدالرحمن ..

نعوووود لجابر :

قال جابر : طيب أكتب قصته وحاول أنك تأثر في المدير بأسلوبك وتستعطفه عشان يساعد عبدالرحمن .. قلت: بس أخاف أن عمه وأمه يرفضون يودونه أمريكيا ولا إي بلد لأن عمه مطوع ومدير مدرسة يعني مشغول ولا بيفضى إلآ في العطله والله ياجابر أني مشتت الفكر والله ..قال : طيب أنصحك نصيحه ..! قلت : قول الله يفرج همك .. قال رح عند عمه وقله أنا سمعت بقصة عبدالرحمن عن طريق أحد المنتديات .... ((قاطعته)) وقلت : بالله أسكت أسكت ونقطني بسكوتك .. لازم أواجه عمه بالحقيقة ..بأتصل عليه .. قال : كيف بتجيب رقمه طيب .. قلت : ماعندي إلآ جيرانهم ولا إمام المسجد بدور له وبقله يجيب لي رقم جارهم عم عبدالرحمن الأستاذ ظاهر .. وبعدين بدق عليه وبقول له أني أستاذ عبدالرحمن وسمعت بقصة ولد زوجته وأني أبغى موافقته عشان أطرح قصته لأهل الخير عشان يساعدونه ويسفرونه لإي بلد يتعالج فيها.. قال جابر : طيب وأذا ما أقتنع.. قلت بأحاول ..!

الفصل الثاني من الجزء الرابع ..!!

يوم الخميس بعد صلاة الظهر ..

أتجهت للمسجد وصلينا الظهر وبعد الصلاة أتجهت للإمام الذي هم بالخروج بعدما أدى ركعتي السنة .. قلت : ياشيخ السلام عليكم ممكن خدمه .. قال الإمام : تفضل تفضل ..! قلت : بس إذا ممكن تعطيني رقم الأستاذ ظاهر مدير مدرسة الأجيال صاحب البيت إللي في أخر الشارع .. قال : إيه إيه عرفته .. تفضل سجل عندك بعد ما أخرج جواله من جيبه (-------050) قلت : شكراً ياشيخ بس بغيت أسأله عن التسجيل السنة الجاية عشان أخواني أبي أسجلهم بجيبهم من الجنوب .. (كذبه بيضاء) .. قال : الله يوفق ياولدي .. فقلت : السلام عليكم وجزائك الله خير ياشيخ (وخرجت من المسجد)..
عندما خرجت من المسجد كنت أفكر هل أكلمه ووش أقول له .. لازم أسجل محاور المكالمة في ورقه عشان لا أجيب العيد ..

رحت البيت وأول ماوصلت كتب المحاور في ورقه ..
وتأكد من الرقم ودقيت ..

طوووووط طووووط جار الأتصاااال

عم عبدالرحمن : هلا مرحبا ..

نستكمل المكالمة في الجزء الخامس

ليس من باب التشويق ولكن لأن الأمور أزدات تعقيداً وسالفة أم عبدالرحمن دخلت في السالفه بعد ما أعترفت أنا بمن أكووون وأنني أنا صديق عبدالرحمن..

ولنا لقاء قاااادم وكشف لبعض الحقائق ..

أنتظر يوم الجمعة وأنتظر عودة عبدالرحمن وكيف بقابل عمه وكيف بقابله هو وأنا أعرف مرضه ..

موعدنا في الجزء الخامس يوم السبت أن شاء الله ..

تحليقه حزينة جداً من على غصن التوت ..

المصدر: منتديات بني بحير بلقرن

---

vshgm Hl uf]hgvplk (hg[.x hgvhfu lk rwm Hsj,rtjkd) gl Hsj,rtjkd hg[sl

[برنسيسة الوادي]

جزء مختلف عن كل الأجزاء ..
جزء يحـــــــــــــــــــزن ويقطع القلب
الله يسااااامحك والله حزنتني
ماتوقعته انه بيكون حزين بهالشكل
ياعمري والله صورته زادت من حزني كل البرائه فيه ..أسأل الله رب العرش العظيم ان يشفي عبد الرحمن وان يهيأ له أهل الخير ..وأرجوك حااول بقد ماتقدرساير عمه بأسلوب وبإذن الله انك تتوصل لنتيجه تفرح فيها قلب ام عبد الرحمن وابذل الاسباب لعلى محاولتك تكون سبب في شفائه
الله يشفيه ويشفي امه يااااااارب
.........

[هيبة ملك]

الله يشفيه الله يشفيه الله يشفيه الله يشفيه الله يشفيه الله يشفيه الله يشفيه الله يشفيه الله يشفيه الله يشفيه الله يشفيه الله يشفيه الله يشفيه

حزنتنا غصن التوت لكن يدي بيدك لعمل الخير واكمل القصه بسرعه لأني لم اعد احتمل حبيبي قلبي

[لؤلؤة البحر]

ياليتيني ماكملت القصـــــــــــهـ .. البروفسور غصــن التوت ؟؟ ليش صورتهـ ؟؟ تعلقت فيــهـ وانا ماعرف هالمسكـــين ياارب يشفيهـ .. انا احـــب الاطفال وهاذا ماودي يصير لهـ شي .. والله محد يدري متى بيموت احنا مانضمن ارواحنا واحنا الحمدلله بخيــــر .. غصـــــــن التوت .. كم هالقصـــهـ ادمت قلبي ؟؟ كم هالرســـالهـ ادمعت عيني ؟؟ ماكنت اتوقع انهـا بتكون قاسيهـ كذا .. تدري عاد الله يخليك لازم انك تساعدهـ بالي قدركـ ربي عليهـ .. حرام هو مايدري صح انهـ مريض .. والله مايْرحم غير امهـ الله يشفيها ويشفي هالطفل الي انحب .. لا يموت مابغاه يمـــوت .. كنت اتصورهـ اكبر من كذا بس تفاجات طلع صغـــــــير وحركاتهـ تحبب الاخرين فيهـ .. بس لـــيش امهـ ارسلت هالرسالهـ ؟؟ يمكن تكون حاولت انهـ يتعالج بس عمهـ رفض ؟؟ بنتظاركـ والا الامام ومازلت مصرهـ انك تكوون مراقب هالقســـم ..

الله يكتب لكـ الاجر يارب ويشفي هالطفل لامهـ ..
هاذا واحنا بس قريناها وشفنا صورته؟؟ ولاجلسنا معاه .. انت كـــــيف ؟؟ امهـ هي الي يحترق قلبها على هاالمســــكين .. تشوفها قدام عيونها

بنتظاااار الجديد واذا يحزن عطنا خبر من هالحين الله يشفيهـ ويكتبلك الاجـــــر ياارب

عبدالرحمن يحاكيك حتى في منامه ويزيد من همي
كم دمعهـ نزلت من عيني على هالكلمهـ ؟؟

[ذاكررر]

بإنتظار الفصل الثاني

واصل ابداع تلك الفصول من على غصن التوت المثمر

لك مني أجمل وأرق تحيه

[شذى الجنوب]

والله يا أخي هنا وبذات في هذا الفصل المؤلم والله مدري وش أقوووول .... فالكلمات لا تسعفني الآآن .... بعد غرقها في بحر من الدموووع .... ولكن يبقى ملاذنا هو رب رحيم لطيف بعباده .... وعمر المستشفيات والبشر ماكان لهم الصدق في تحديد الأعمار أو الموت والحياة .... لأنها بيد الواحد القهار .... حبيب قلبي ياعبد الرحمن الله يشفيك ويخليك لأمك يااااااارب ويفرج عنك ماتجد دنيا وآخره .... والله يسامحك يا طير السعد ياليتك ماصورته والله انك اوجعت قلوبنا بهصوره وبهلقصه .... ولكن عندي أمل كبييير بأن النهايه أحسن وأفضل مشرقه بنور السعادة والفرج بإذنه تعالى ....
ويكفيه انك انت صديقه لأني متأكدة انك ماراح تقصر معه ....
وصل سلامنا لبطلنا عبد الرحمن وقله يكثر من الإستغفار والتسبيح .... ويحافظ على فروضه .... واحنا كمان بندعيله ....

ونأمل في جزء أروع وأحسن
دمت لنا متألقاً

[خيال شاعر]

بما أن الأستاذ ظاهر مدرس قديم

هل بالإمكان أن تبحث عن فكره أخرى غير تلك التي تريد أن تقول له أنك مدرس عبدالرحمن

لربما سأل واستفسر ويكتشف الأمر ,,, أعذرني على هذه المداخله فقد أصبحت كقاريء لقصتك

أستبق الأحداث معك حتى نخرج بالنهايه لحل مشكلة هذا الطفل الصغير

قصتك حركت قسم القلم الخاص بالمنتدى وأتمنى دائماً أن يكون هذا القسم مزدهر خصوصاً
في وجود أقلام رائعه ومبدعه مثلك ومثل مراقبنا ( الجندي الخفي ) ذاكر ذلك الذي
يعمل المستحيل كي يرتقي بقسمه من خلال ما يعمله من مسابقات وأفكار

دمت بود غصن التوت .

[اهلاوي مووت]

حراااااااااام عليك شوقتنا للفصل الثاني ..
الله يسعدك ايامك يالغالي ولا يحرمنا بوح قلمك المميز ...

الله يشفي عبدالرحمن وجميع مرضى المسلمين يا رب العالمين ..

تقبل تحيتي